اقتباس:
المشاركة الأصلية كتبت بواسطة الامبراطورةالفارسة
كلية بتعتى مفيهاش قسم كمياء تحلية بس انا دخلت قسم كمياء وميكروبيولوجى هل القسم دة بيدرس السرطان ولا لأ؟
الس}ال التانى الخلية لما يحصل لها ان قسام الخلية الى جنبها الى هية سليمة لسة ملهاش اى رد فعل يقاوم؟
|
السؤال الاول السرطان ودلالات الاورام بتدرس في قسم الكمياالحيويه بس لكن انتى ممكن بعد ماتخلصي تاخدى دبلومة كمياحيوى وفيه بعض الكليات بتسمح لاقسام الكميا بتحضير ماجستير في الكمياالحيويه
السؤال التانى
الخليه نفسها بتعمل مواويل عشان توقف السرطان
يعنى مثلا فيه جين اسمه p53
الجين دة بيعمل تلات حجات
اول حاجة بيفرز انزيم عشان يصلح ال الخلل اللي في DNA
ولما يفشل يعمل الحاجة التانيه
انه بيفرز انزيم يتفاعل مع المواد والمركبات اللي مسئوله عن انقسام الخليه للي هو division عشان يخليها تقف ماتنقسمشي
ولما بيفشل
يقوم يعمل حاجة تالته
يفرز انزيم يخلي الخليه تنتحر
بمعنى انها تنتحر عشان ماتنقسمشي عشان ما يكبرشي تكتل الخلايا السرطانيه
فالانزيم دة يخلي الخليه تنتحر وتموت نفسها عشان السرطان ماينتشرش
لكن بردو احيانا بتفشل الحاجة التالته دى والخليه بتنيها تنقسم وبتنقسم انقسام عشوائي وبسرعه عاليه جدا
............
وماننساش بردو ادوار ال antioxidant
في الخلايا
ال antioxidant دى بردو بتعمل ع تصليح الاختلالات دى
ودى بردو موال طويل عايز شرحه
وال antioxidant دى بتبقي موجودة اصلا في الجسم وبتبقي موجودة في بعض الاغذيه زى التوم
عشان كدة في ابحاث بتقول ان التوم يقي من السرطان