كنت ناوية أعمل توبيك على موضوع التريقة على غير الملتزمين
بس سبقتيني
لاني لاحظت ان موضوع التريقة ده بيحصل كتير
بشوف بعض البنات لما تشوف بنت مش محجبة تقعد تتريق عليها وعلى لبسها
وأحيانا كمان بلاقي بنات ملتزمات بترفض أنها تساعد البنت الغير محجبة
الموضوع ده بيضيقني جدا
ماشي البنت الغير محجبة مثلا بتعمل معصية دي ما فهاش خلاف
بس ده ما يديناش الحق أننا نتريق عليها
بسم الله الرحمن الرحيم
"يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن"
صدق الله العظيم
غير أننا كلنا مهما بلغ التزمنا بنرتكب ذنوب ومعاصي كتير
بس ربنا بيسترنا وبيستر ذنوبنا عن الناس
يعنى ممكن اللي أحنا بنتريق عليه ده تكون منزلته في الجنة أعلى مننا
مش ممكن العاصي يتوب ويبقى ملتزم أكتر من الملتزمين اللي بيتريقوا عليه؟
المفروض لما نشوف حد بيعصي ربنا نحمد ربنا أنه عافانا من المعصية دي
ونحاول أننا ننصحه بأسلوب كويس
أو ندعيله حتى لو ما قدرناش ننصحه
جزاك الله خيرا على النصيحة
(أعتقد أن لو كنت عملتي التوبيك في قسم حي على الفلاح كان يبقى أحسن لأن موضوع التريقة موجود بين البنات برضه)
__________________
عندي دور برد جامد ربنا يستر وما تكونش انفلونزا خنازير
|