الحمد لله الموضوع ده حصل معايا مرتين فحياتى كلها وكانو قريبين اوى اوى
مش حكدب واقول انى كنت متسامحه بس انا فعلا حسيت ان اللى تتخلى عنى بالشكل المؤسف ده
وتعمل تصرفات اطفال وتجرحنى من غير سبب انسانه متستحقش انى افكر فيها
وقلبى اتغير اوى بعد مشفت نظرة تجاهل منهم حسيت انى متضايقه اوى انى وثقت فى شخصيات تافهه
مع العلم ان الاتنين كانو اكبر منى بسنتين وباربعهوكانو بيحكولى كل حاجه بس لمجرد انى ضعفت فيوم
او حصل منى شىء خارج عن ارادتى خلاص يبقى الدنيا انتهت برغم انى تسامحت كتير جداااااا
يبقى اقولك رايى الشخص اللى ميقدركش ويفتكرلك يوم حلو عشته معاه ويبصلك من فوق لتحت
ويمشى ويسيبك يبقى ميستهلش انك تتخلى عن كرامتك عشانه لكن او صديق فعلا وبينك وبينه عشره طويله اوى
يبقى تعرف الاسباب وتتناقش مره واتنين لحد متتعاتبو ولو بعد محاولات كتير ولو سابك يبقى انت عملت اللى عليك
فى ملحوظه فى اشخاص نادرين الوجود يعنى فى ناس بيبقو طيبين اوى وبيبقو مع اصدقائهم منتهى الاخلاص والتفانى اوعى بجد
تتخلى عنهم لانك حتندم ومش حتلاقى زيهم تانى بيتعدو على الصوابع
لكن لو صديقك شخص انانى ومش بيعملك حساب ومنفضلك عاملو بم يرضى الله من غير متتنازل عن كرامتك واديله حقه كصديق
بالدرجه اللى يخليه يحس انه مقصر فى حقك ولو انت بتحبه اوى مش حتفكر فعيوبه خالص بس لو هوا مزودها يبقى انت غلطان انك وصلته للمرحله دى
وفى ناس بقى الدنيا بتلزقهم فينا لان ظروفنا اتفقت مع ظروفهم وحياتنا بقت معاهم ناس بتبقى فعلا معفنه بس مضطر برده انك تعاملهم بم يرضى الله
لانك متقدرش تجرح حد
انت لو مضايقك موضوع صديقك اوى حط فدماغك انك بتعامل الناس لله
ومش منتظر من حد حاجه وصدقنى لو ايمانك قوى حتتحمل وحيبقى قلبك كبير
اسفه على حديث الثلاثاء الطويل ده
|