الفرق بين السيكشن و المحاضرة
المحاضرة دى الدكتور هوا اللى بيشرح فيها
السكشن اللى بيشرح فيها بيبقى معيد
المحاضرة بتحضرها المجموعة * كلها
السكشن * بيحضره سيكشن واحد او اتنين
المحاضرة بتاخدها فمدرج **
السكشن بتاخده ففصل **
المحاضرة مفيش فيها غياب
باستثناء بعض الدكاترة اللى ساعات بياخدوا غياب لما يلاقى نسبة الحضور قليلة
السكشن فيه غياب
و بناءا على كده
المحاضرة ممكن تحضرها مع مجموعة تانية
السكشن ما ينفعش تحضره مع سكشن تانى
المحاضرة بتبقى شرح بس
السكشن غالبا بيبقى حل تمارين و تطبيق على كلام الدكتور و شرح قليل
*طبعا يجى السؤال يعنى ايه مجموعة و سيكشن؟؟
الدفعة بتاعتكم تقريبا بيبقى عددها 3000 طالب
بتتقسم 6 مجموعات كل مجموعة تقريبا 500 طالب
و كل مجموعة بتتقسم بعد كده ل 12 سيكشن
عدد الطلبة فالسكشن بيبقى حوالى 45 طالب
و طبعا ترتيب الطلبة فالدفعة كلها بيبقى ابجدى
يعنى سكشن واحد بيبدأ بحرف الالف
و بناءا على اول حرف فاسمك هيكون ترتيب سكشنك
و علشان تعرف سكشنك رقم كام
اول يوم فالدراسة هتلاقى لوحة كبيرة موجودة ادام مبنى كهربا
فيها كل السكاشن و اسماء الطلبة فيهم
** بالنسبة للمدرج و الفصل
المدرجات اللى هتحضروا فيها محاضراتكم هى ك1 و ك3
ك1 ده هتلاقوه اول ما تدخلوا مبنى كهربا على الشمال
انتم هتلاقوا مكتب ازاز كده اسمه الليزر هوا جنبه
و ك3 ده فوق ك1 على طول
الكلام ده علشان الناس اللى رايحة ومش عارفة اى حاجة فى الكلية وبجد يارب تكونوا استفدتوا زى ما انا استفدت يااااااااااااااااااااااارب
|