يا أخ داندو ....
سوري اني اتكلمت كدا .... بس اسلوبك بجد عاوز يوقعني في مشكلة معاك ....
رغم اني مش بتاع مشاكل و الله .....
-----
بالنسبة بقى للمدني و المعماري ....
حضرتك ممكن تروح كلية فنون جميلة و تسأل على المواد , بلاش .... روح هندسة و اسأل على مواد معماري ....
ح تلاقينا بناخد شغل مدني : خرسانة - مساحة - ميكانيكا تربة - خواص مواد .
و بناخد شغل فنون : نحت - تنسيق داخلي - عمارة داخلية .
و بناخد شغل هندسة : تكنولوجيا بناء - تصميم معماري - إنشاء معماري - تصميمات تنفيذية - دراسات جدور - دراسات بينية .
و بناخد شغل تخطيط : علم تخطيط المدن .
أما المدني فعمره ما حياخد بالإسم كدا : رسم و تصميم معماري ..... ح ياخدها كدا : رسم و تصميم إنشائي ... و ده اول حاجة في العمارة اللي احنا بناخدها .... بس بعد كدا مبياخدش حاجة تانية .... لا بياخد شغل معماري و لا بياخد شغل تخطيط , لأن دراسته تنصب على مواد الإنشاءات و البناء ... مع شوية رسم ....
أما بقى مهندس التخطيط فشغله بينصب على تخطيط المدن و القرى ... و بياخد برضه من شغل مدني ....
و المدني ح يفتحوه نظام انتساب للمعاهد الصناعية ....
يعني المهندس المعماري مهندس شامل ... و ممكن تسأل دكاترة مدني نفسهم ...
انا مصاحب خريجين من مدني و معماري و كمبيوتر ....
و التلاتة بيقولوا العمارة أحسن .... لان لا تضمن كمبيوتر , و المدني العربجي بيفهم فيه .... ( و ده كلام من دكتور مدني )
حضرتك بس انا عاوزك تروح تسأل دكتور مدني في اي هندسة قول له : مدني و لا معماري ؟ ......
-----
طبعاً مش ح اقول ان العمارة أول قسم اتبنت عليه كليات الهندسة في مصر .... و أول قسم اتبنت عليه كلية الفنون الجميلة اللي اتبنت قبل كليات الهندسة ...
-----
أما بقى بالنسبة ليا ...
انت من جواك عاوز تنتقم مني باي شكل ... مش عارف ليه ؟
انا مقلتش كلام غلط ....
انا قلت ان انا ممكن اخد كورسات ...... لكن مش ح ابقى زي خريج حاسبات .....
و قلت اني ح اكمل دراسات عليا .... بس برضه مش ح ابقى زي خريج حاسبات ......
------
يا أخ داندو دا انا طيب و على نياتي ....
و اسأل حتى eng--zako ....
انا كان في إيدي إني أكمل حاسبات و معلومات ....
بس انا كده عصيت أهلي ....
لأن أهلي كانوا عاوزيني في اسكندرية علشان ابقى جنبهم ...
و قعدوا يناحروا معايا ...
لكن معلهش ... برضه لازم ارضي اهلي ....
لأن الأهل دول أهم حاجة بعد ربنا سبحانه و تعالى ...
فأنا لو مسمعتش كلامهم ... كنت ح اتمرمط علشان أجيب مقبول ...
مدينة جامعية و حر و تعب و تكلفة اكبر من تكلفة فنون اسكندرية ...
فيرضيك اني اعصي اهلي و ربنا ميكرمنيش و لا اسمع كلامهم و ربنا يكرمني ؟
و الأهل دول زي ما انت عارف اول ناس بيبقوا عارفين ايه المستخبي بعد كدا .... بمعنى آخر عندهم بصيرة قوية للمستقبل اكتر مني و منك ....
ح احكي لك قصة ظريفة قوي :
انا اعرف واحد ادبي ... كانت جاية له كليتين : اقتصاد و علوم سياسية و ألسن .... غير الإعلام و كدا .... المهم , الواد دا كان نفسه و منى عينه انه يدخل اقتصاد و علوم سياسية ...... ابوه و امه قالوا له ألسن و قعدوا يناحروا معاه و هوا قعد يناحر معاهم ...
المهم الواد دا دخل السن .... و كمل الاربع سنين و اتخرج ...
قعد يدوخ السبع دوخات علشان يشتغل في شركات السياحة .... يبقى مترجم ...
ابوه قال له : انت مستقبلك في التربية و التعليم ..... مش السياحة ....
الواد دا مسمعش كلام ابوه ..... و برضه قعد يدوخ و يدور
ابوه قال له : يا ابني انت مستقبلك في التربية و التعليم ....
الواد دا راح قدم في التربية و التعليم و كان على وشك انه يموت نفسه يعني .....
دلوقتي بقى مدرس إنجليزي بيسكب اكتر من مهندس البترول .... و بقى مليونير .....
يعني مبقاش واد و خلاص ....
و قال لي : الاب و الام دول هما اللي بيشوفوا مستقبلنا ... لولا ابويا , مكنتش بقيت في اللي انا فيه دلوقتي ....
------
فمعصية الاهل حتى و لو كان متوقف على مستقبلك ..... مش كويسة .....
----
الأخ زاكو بقى ...
انا مش عارفك انت عاوز تدخل حاسبات و لا عاوز تكمل فنون جميلة و لا إيه ؟ ....
على العموم القرار ليك , بس علشان مترجعش تقول : ياريتني سمعت كلام أهلي ....
----
و علشان ابقى ضربت عصفورين بحجر يا اخ داندو ...
ح ادرس عادي في فنون جميلة عمارة ... و اكمل دراسات عليا في حاسبات و معلومات ...
يبقى أنا إن شاء الله لا خسرت دي و لا خسرت دي ...
و انا قلباً و قالباً مع طلبة حاسبات علشان النقابة .....
و سامحني يا أخ داندو اذا كان كلامي مقرف و مقزز .....
|