اقتباس:
المشاركة الأصلية كتبت بواسطة أحمد شعبان 2009
السلام عليكم ورحمة الله وبركاته
أسأل من الله لكم دوام التوفيق والعافية
أولا : أنا هقول علي الكتب اللي انا كنت بذاكر منها وده مش فرض ان أي حد يذاكر منه علشان انا جبت مجموع كويس لا علي سبيل المثال الكتب اللي انا كنت بذاكر منها غير الكتب اللي كانت اختنا ايمان اقصد د / ايمان بتذاكر منها والحمد لله هي جابت مجموع اعلي مني 0
المهم : أولا الفيزياء : أنا كنت بذاكر في الفيزياء من مذكرة الاستاذ اللي باخد عنده درس ثم انا أرشح لك أخي مسائل الكتاب المدرسي وكذلك الماسي أو المثالي الكلام ده أثناء الشرح والمذاكره
أما اثناء المراجعة فأرجح لك المرشد في المراجعة النهائية ولا تنسي أن تقتني كتاب المرشد في المسائل ده كتاب خاص بالمسائل ثم اياك اياك ان تذاكر من المرشد أثناء الشرح 0
تمام
ثانيا : الرياضة : أرجح لك كتاب المدرسة اولا وفوق كل شيء ثم ان سألت عن كتاب آخر فالماسي وهذا يكفي بالنسبة للرياضة 0 طبعا الكتاب المدرسى بعد كل حصة حل التمارين وكمان النماذج الى ف اخر الكتاب
المهم ماتسبوش ول مسألة فى لكتاب المدرسى اما بالنسبه للكتب الخارجيه انا كنت بذاكر من لامى او من مية ف المية ده بجد كفاية لانه فيه مسائل دليل تقويم الطالب ومسائل امتحانات
ثالثا : الكيمياء : أرجح لك كتاب المدرسه في الباب السابع والعضوية أما السادس أنا مكنتش بعرف أذاكره من الكتاب أنا كنت بذاكره من مذكرة الاستاذ وأحل جميع المسائل عليه من الكتاب لانه أصلا يعتبر كله مسائل 0
فعلا يااحمد لازم تذاكروا العضوية من كتاب المدرسه وتحلو التمارين بتاعته وكتاب الكيمياء والله اجمل كتاب ممكن تذاكر منه
رابعا : الأحياء : الأفضل فيها كتاب المدرسة لكن بالامانه الكتاب في الاحياء قد يضايق في مذاكرته في بعض الدروس ودي انت تقدر تحلها مع مدرس الماده 0
خامسا : المواد الشرعية : طبعا انتم تعرفون فضيلة الاستاذ أحمد بهدر انا نزلت جميع مذاكرته في الشرعي وطبعتها وذاكرت منها ومكنتش بذاكر غير منها بس كنت بعد اما اخلص اراجع الكتاب يمكن حاجة تكون ناقصة وبالامانه مكنتش بلاقي حاجة ناقصة من الكتاب خالص يمكن كانت فيه حاجات زايده وفي هذا المقام اتوجه بخالص الشكر والتقدير لفضيلته 0
سادسا : الانجليزي : تمام ثبت كتابك هذا واحفظ الكلمات باستمرار وليكن معك ورد مستمر يوميا وليكن 5 كلمات يوميا تحفظها خمسه بس 0
أنا كنت عامل أجنده دي انا مخصصها لكلمات الانجليزي الجديده وانا بذاكر وبحل طبعا هتقابلني كلمات مش عارف معناها كنت اطلع معناها من القاموس وسجلها في الاجنده دي وأحفظها باستمرار 0
ماشى يااحمد مش كنت تقولى وانا كنت عملت انا كمان كده شفتوا الانانيه
دمتم في رعاية الله وأمنه أسأل من الله لكم دوام التوفيق والعافية
|
اسال الله العظيم رب العرش العظيم ان يجعل لكم من النجاح نصيبا ووفقكم لما يحبه ويرضاه