[لا يوجد اسم]

المشاركة الأصلية كتبت بواسطة يالا بينا

بس كده دي كارثة بالنسبة للاطفال
او حتى الشباب والمراهقين الغير ناضجين فكريا لسه....
ربنا يسلمنا

بس انا دخلت ع الترددات والقنوات عليها مشفرة
ف مفيش داعي للقلق يعني

ايه الكلام الفارغ ده هما هيعرضو قنوات اباحية يعنى

والله شئ فى منتهى التخلف وبزعل جدا لما بلاقى ناس تفكرهم بالطريقة دى والعنصرية دى

هو مش احنا عندنا قنوات اسلامية واطفال ومراهقين المسيحين بيتفرجو عليها

يا جماعة ايه العنصرية الفظيعة دى

المسيحين من حقهم يعملو قنوات دينية وحتى لو كانت تبشرية كمان طيب فيها ايه ماحنا عندنا عشرات القنوات الاسلامية وتبشرية وساعات بنجيب سيرة المسيحين فيها كمان

ما هذه العنصرية اللى عندكم هما مش بشر زينا برضه ومن حقهم يعملو قنوات تبشرية مسيحية زى ما احنا عندنا قنوات تبشرية اسلامية

انتم خايفين من ايه ده حتى المفروض ان كل مسلم مننا يكون عارف الكثير عن الدين المسيحى واليهودى والاديان الاخرى بهدف الثقافة ومش شئ حرام يعنى لما نعرف شوية عن الدين المسيحى

ليه حلال المسلم يعمل قناة دينية والمسيحى لما يعمل قناة دينية تبقى كارثة

والله شئ غريب احنا عندنا فى العالم العربى وخصوصا مصر بنعتبر ان المسيحين انصاف بنى ادمين وملهمش لازمة وبنهدر حقوقه جدا

يعنى انا مؤخرا سمعت ان كانت فيه قرية مفهاش اى كنيسة والناس عايزين يصلو يوم الاحد من حقهم والدولة مش راضية توافق لهم على تصريح بناء كنيسة فالجماعة المسيحين قررو يصلو فى بيت القس بتاعهم

فنزل المسلمين فيهم ضرب وخناقة وازاى تصلو فى بيت طيب ما احنا المسلمين بنصلى فى الشارع ونفرش فى الشوارع ومحدش بيقولنا تلت التلاتة كام لكن مازلنا عنصريين وبنستعمل العنف مع المسيحين وده اللى مخلى شكلنا مشوه فى الغرب والناس شايفين ان الدين الاسلامى ده ارهاب كل ده من عميلنا مع ان على عهد الخلفاء الراشدين كان المسيحين واليهود واخدين حقوقهم كاملة والله احنا العرب عندنا طباع غريبة اوى ربنا يهدى ويزيح عننا التخلف والجهل اللى بقينا فيه