ازيكم عملين ايه اخباركم ايه
المهم
جيتبلكم صياديه تمام النهرده
اول حاجه المقادير
3 كوب رز
4 سمكات كات فش ( اراميط ) متشال جلدها ومقطعه 4 قطع ومقليه ومحطوطه فى طاسه على شان تصفى الزيت منها
2 بصله مقطعه
كثبره خضره على حسب الرغبه
صلصه على حسب الرغبه و طماطم مقطعه
ملح فلفل اسمر كمون كثبره ناشفه
الطريقه
نحط الرز بعد الغسل مع نص مقدار الكثبره ونقلبهم كويس
نحط البصله على النار ولما تتحمر نحط بقيت الكثبره عليها وبعدين نحط الصلصه والطماطم ونسبها تسبك شويه
نحط كل جسم السمكه مع الرز ما عادا الدماغ
نغطى السمك كويس فى الرز
ونحط نص المقدار بتاع الصلصه الى كانت على النار على الرز والسمك
نحط الروس بتاعه السمك فى الدمعه ونسيبه فيها يغلى شويه ونطفى عليه
نحط الصينيه فى الفرن على درجه حراره عاليه
ولما تطلع من الفرن تتحط فى طبق ويتحط عليها الدمعه
وبالهنا والشفه