السلام عليكم ورحمة الله وبركاته
أي كلية أو أي قسم لو الطالب حبه ودخله عن اقتناع وعايز فعلا يتخرج من الكلية بأكبر قدر ممكن من العلم بالتأكيد هينجح فيه وهيحقق فيه أمنيته
اللغة العريبة ادرسها على إنها لغة القرآن واجب كل مسلم إنه يفهما ويتقنها وخاصتا أننا في زمن قل من يجيد التحدث بجملتين سالمتين من الأخطاء ، بجانب إنك بتلقى ناس بتتقن الانجليزية بطلاقة وبيهتموا بها أضعاف أهتمامهم باللغة الأم .
أنت هتدرس في الكلية كل أقسام اللغة العربية على حدا ( نحو وصرف ، أدب ، بلاغة ، العروض ، مصادر تراث، علم اللغة، نقد) بجانب بتدرس بعض المواد الأخرى خاصة بعلوم الدين مثل (علوم القرآن ، التفسير، علوم الحديث ، فقه) وتدرس بعض المواد الأخرى قد تكون في التاريخ( حياة العرب قبل الاسلام ، العصر الإسلامي والأموي، العصر العباسي، العصر الحديث ) وطبعا كل جامعة ونظامها في خطة المناهج .
الكلية سهلة جدا للمجتهد . ولو عايز تجمع علم وبتحب فعلا القسم وعايز تتفوق فيه مش بتكتفي بكتب الكلية فقط ولكن بدعم نفسك بالمصادر والمراجع لإن الكتب والدكتور وسيلة فقط ومش هما كل حاجة .
وأسأل الله العلي العظيم أن يوفقني وإياك