اقتباس:
المشاركة الأصلية كتبت بواسطة احمد رضا
السلام عليكم ورحمة الله وبركاته
وعليكم السلام ورحمة الله وبركاته
موضوع جميل يامحمود ومتعرض لكذا سلبية
ولكن بالرغم من انك تقصد حاجة فهي هتتفهم حاجة تانيه
ودا ذنب مين يا احمد ؟!
لان الاسم ده ( رمضان مبروك ابو العلمين حمودة ) هيعمل برمجة سلبية للمدرس
مش للدرجادى يا احمد دا مجرد اسم بس
لان عقل المدرسين سجل إحساس وهو ( الإستياء ) من الصورة الغبية اللي صورها ليهم الغبي محمد هنيدي
بس موضوعى عن حاجة تانية واللى هيقرأ الموضوع هيعرف انا قصدى ايه
وبالتالي هينعكس الإحساس لما يقروا العنوان
وهينعكس تانى لما يقروه
وسيبكم من كلام انه بيعالج قضية وحوار وزفت وقطران دول عالم ( سبوبجية ) ولا يهمهم البلد ولا الشعب ولا اي بني آدم يهمهم الفلوس وبس عشان مننخدعش بالكلام المُدعم اللي بيتوزع في الافران اليومين دول
عادى يا احمد الكلام دا كتير جدا
وطبعاً زي ما لمحت في أول رد ( عادل ) لا يُنكر فضل المُدرسين أبداً في تعليمنا
ودا اكيد طبعا
ولكن لا يُنكر بردو ان أهالينا كانوا بيدفعوا دم قلبهم للمدرسين اللي كان لا يُنكر فضلهم
مظبوط كلامك يا احمد
وده إحقاقاً للحق ولا يُنكر فضلنا إحنا كمان إننا ذاكرنا وسهرنا وعملنا اللي علينا ..
بس لو المدري من البداية راعى ربنا مكناش هنتعب اوى ولا هو كان هيتعب معانا بردو
يعني الحكاية دي منظومة محدش له فضل علي التاني فيها كله مشارك لنتيجة واحدة ..
نيجي نقسم الحياة بشكل أوضح عشان محدش يزعل
قسم يا سيدى 
طبعا فيه مُدرسين كتير بيراعوا ربنا في شغلهم وبيشتغلوا في المدرسة والدروس وده لا شك فيه
اكيد طبعا فى ناس عارفة ربنا اكيد
ولكن زي ما فيه الحلو فيه الوحش اللي هوا مبيراعيش ضميره وبيبيع العلم للفلوس الأكتر وبس ( ودول اللي مش بيحبهم محمود وبيحاول يعريهم )
بالضبط كدا يابو حميد
يبقي كدا الجانبين بتوع المدرسين
وطبعاً في طالب مجتهد بيراعي ربنا في أهله اللي بيطفحوا الكوته عشان يعلموه
وفيه طالب معندهوش دم احمر ولا برتقاني حتي ومبيراعيش ربنا ( ودول وربنا مهم فالحين لو جابلهم مناهج تخليهم علماء )
ومنين هيفلحو لن تبلغ المجد حتى تلعق الصبر
ودول أغفل محمود ذكرهم
مش بالضبط كدا انا ناوى اعمل تلات موضوعات ادى واحد منهم والتانى على الجانب اللى بتقول انى اغفلته ووواحد كمان ان شاء الله
نيجي نجمع بقي الكلام
هنلاقي ان الطالب والمدرس وولي الأمر في ( بوتقه واحدة )
واللي بيقلبها ( النظام الفاسد ) وبيشويهم علي نار هادية
مصلحة النظام ايه اللي يحصل ؟
ان محدش يتعلم لان العلم نور والنور يكشف الجهل ويخليك تدور علي حقك الضايع ودي أكبر مصيبة في البلد دي
بيدخلونا متاهات من الاخر على ما تعرف تطلع منها ( دا ان عرفت اساسا ) تكون نست حقك
لذلك فهيبقي الوضع علي ما هو عليه لغاية ما احنا اللي نتغير لان النظام عمره ماهيتغير وياريت تنسوا ده ده مبارك مش أشرف
هههههههههه بلاش نجيب فى سرة حد بقا
وبكدا يبقي المدرس والطالب وولي الأمر ضحية للنظام اللي زي الزفت اللي ربنا يوكسه
اكتر من كدا وكسة !!!!!!!!!!
--
نيجي بقي بالنسبة للإهانة اللي بيتعرض ليها المدرسين من قِبل الإعلام والممثلة في فيلم رمضان عباس ابو شلف زفت ده مش فاكر اسمه .. ههههههههههه انتوا اللي سمحتوا للإعلام يهينكم بالطريقة دي .. لازم يبقي من المدرسين ممثلين وإعلاميين وشعراء وعلماء وفنانين
ودكاترة ومهندسين وصيادلة هههههههههه
عشان يقدر يعبر باللغة اللي اتهاجم بيها ده الرسول قال " من عرف لغة قوم ٍ أمن مكرهم " والمقصود باللغة هنا ينطبق علي أي إسلوب وأي وسيلة .. لازم تقدروا تدافعوا عن نفسكم مش بالشجب بس لاء بنفس السلاح يعني يتعمل مقالات لتوضيح دور المعلم يتكتب شعر لتوضيح دور المعلم يتعمل فيلم وثائقي عن التعليم وفايدته كدا يعني
مش نقعد نقول مش هنسكت
من باب لا يفل الحديد الا الحديد
علي فكرة الصورة اللي في أول الموضوع
بتفكرني بالاستاذ العبقري ( محمد صبحي ) واللي لم يحالفني الحظ بمقابلته اثناء ما كنت بقدم في الأكاديمية
لما كان بيقولها بفخر ( اناااااااااااا أمىىىىىىى ) .. ولما قالتله المستوي التعليمي ايه ؟ قالها ( لاء الحمدلله نفدت )
هههههههههه
صدقوني ياجماعة التعليم زي الزفت ومحدش هيقدر يغيره لان اعتقد ان أغلب المدرسين بقوا مدرسين عشان مجموعهم مخلاهومش دكاتره او مهندسين لكن لو واحد دخل وحلمه أصلا انه يبقي مدرس محترم ويرتقي في العلم ويحلم انه يبقي وزير في يوم من الأيام
ساعتها هيتغير التعليم وهيتغير النظام كله
مدرس مين بقا دلوقتى تيجى تقول لحد نفسك تطلع ايه يا يقول ممثل وهو يجيب فلوس
يا اما يقوللك ظابط علشان اذل فى البشر
في رعاية الله وآسف علي الإطالة يا شباب ويااساتذة
|
طول براحتك يا حج احمد كلنا اذان صاغية
دمت فى رعاية الله