[**تسابيح**]

سلام عليكم

وعليكم السلام ورحمة الله وبركاته

ازى حضراتكم يارب تكونو بخير

طبعا كويسين طالما بنرد ع الموضوع

وكالعادة وزى معظم المصريين مش عارف ابدأ الموضوع ازاى

دا كله ومش عارف تبدا يارب صبرني

ندخل فى الموضوع علطول
فضلت الف وادور وانكش على صورة تصف الموضوع ده فاتكعبلت فى الصورة دى فى المنتدى

وفعلا هيا دى الحقيقة

ههههههههههههه
دي بقي الحقيقة اللي بتقول ان الانسان أصله حمار قصدي قرد متنكر

موضوعى هيبقا عن حاجتين تلاتة كدا

اولا
التعليم فى بلدنا المحروسة
طبعا الكل شايف مناهج وكلام مكلكع فى الكتب الدراسية تكاد تكون المناهج دى اختفت من قرون فى العالم معدش غير البلد بتاعتنا دى ( ليه بقا لاننا مش زى اى حد احنا مش زى غيرنا )
ماشاء الله يدخل المدرس يقعد يتكلم على مدار الحصة او المحاضرة
بعض المدرسين ( بعض هاه )
بعضهم يعملو نفسهم بيشرحو والطلبة تعمل نفسها بتفهم وما شاء الله شغل عصير لمون فى بعضه وكأنك يابو زيدما تعبت نفسك فى المدرسة وجيت
ودا ذنب مين
مش هنقول اساتذتنا الافاضل ولا هنقول الطلاب المبجلين هنقول العيب فى النظام والبلدى يوكل
يعنى عايزين مناهج تدري مش مناهج تتصم وتدخل الامتحانات نرصها وفى الاخر استفدنا ايه ( استفدنا صلاة النبى )

بص أنا أولا كنت بفكر في الموضوع دا كثير
عن اننا نقارن أنفسنا بالأجانب بالتعليم بتاعهم يعني
لقيت اني مش فاهمة حاجة
يعني فعلا مش عارفة تعلمها ازاي عشان اعترض
في الحالة دي هكون هعترض لمجرد الأعتراض
وهل فعلا الكلام مكلكع زي ما انت بتقول ولا دا مجرد وهم
صدقني انا محتارة وكمان مش عارفة هم ايه الميزة اللي فيهم
ما اننا اذكي منهم بكثير بدليل ان فيه كثير من المصريين في اوروبا
وبيستغلوهم احسن استغلال
*****
*****
بص أنا قليل أوي لما بنشوف مدرس مش عنده ذمة وضمير
بس بصراحة معظم اللي كانوا بيدونا كانوا بيشرح بما يرضي الله
بس كان العيب من الطلبة يعني هديك مثال....
ما اني في مدرسة بنات يعني البنات لازم تكون محترمة فيه بنات كانت النقطة دي
معدومة عندها كان فيه استاذ فلسفة بيدينا مع اني مش كنت بفهم منه حاجة
بس الحق يتقال هو كان بيشرح بس محدش كان بيسمعله والقليل اوي
اللي كان بيقغد يسمع بس هيسمعوا ازاي وناس كثيرة بتكلم
اللي عايزة اقوله دلوقتي
(1) فيه مدرسين مش يستحقوا اللقب دا مش بيعرفوا يشرحوا ولا ليهم شخصية ........يعني مفروض الأساتذة يكونوا فيهم عناية واحنا بنختارهم ...
*****
انت بتقول اننا مش بستفيد من اي حاجة احنا بندرسها
كان عندها مدرس أنجليزي ما شاء الله عليه بجد
مثقف لدرجة الواحد مش بيقدر يتخيلها كان بيقرأ دروس الانجليزي (اللي عمري في حياتي ما قرأتها ) مش بس كدا بشرح وايه اللي ممكن نستفيده في حياتنا في النقطة دي وممكن يقول نكته بطريقة لذيذة ولو الحاجات فيها حقيقة علمية بيتكلم كأنة هو اللي مكتشفها من الاخر كنت ببقي مركزة اوي في اي معلومة هو بيقول وكنت ببقي مستفيدة

تانى حاجة
الدروس الخصوصية
طبعا ماشاء الله كلنا طلبة ( طلبة علم مش طلبة قرب محدش يفهمنى صح )

ممكن حاجة تانية (طلبة ربع جنبة سلف)

شايفين الدروس الخصوصية اللى بتجرى فى العروق المصرية مجرى الدم فى الوريد
بعض المدرسين ( بعض هاه ) بيبيعو ضميرهم
تلاقى المدرس من دول ماشاء الله يدخل الحصة يرغى ربع ساعة مع الطلبة فى الفاضى وربع ساعة على ما يكتب عنوان الدرس وربع ساعة يقول الطلبة بطلو كلام يا ولاد
وعشر دقايق يفضل ينصح فيهم وخمس دقايق يقول فيهم احنا هنشرح النهاردة يا ولاد ( وفجأة الجرس يضرب ويخرج المدرس ماشاء الله فارد جناحاته وفرحان ان الحصة خلصت
والطلبة طبعا عايزة حد يشرحلها تروح جرى على اقرب مدرس ( اللى مبيشرحش فى المدرسة ) ودرس خصوصى وسبحان الله الساعة بتاعة الدرس الخصوصى يفضل يشرحها كلها وكأنه بنى أدم تانى غير اللى كان فى المدرسة
وزى ما الكل عارف اسعار الدروس الخصوصية عاملة ازاى اسعار فى السحاب ماشاء الله ( اللهم لا حسد )

والطلبة ياعينى مشحتين اهاليهم وراهم
خاصة فى مرحلة الثانوية ولى الامر بيدفع دم قلبه وفى الاخر تيجى امتحانات الثانوية زى السنة اللى فاتت والطلبة تنتحر
والمدرس نفسه بيشكى من غلو اسعا ر السلع
طب بتشتكى ليه منتا كمان اسعارك نار ومش حامل هم حد
ودا ليه ( لاننا مش زى اى حد احنا مش زى غيرنا )

خلينا نتكلم بصدق في الموضوع دا
من ناحية الطالب
(!)الطالب بيأخذ دروس من شهر 8 يعني قبل ما يعرف مين الاستاذ اللي هيديله في الفصل
(2) لما يدخلوا الفصل وسمعوا الدرس دا قبل كدا بيقعوا يقللوا من قيمة الاستاذ ويجويوا حاجات الاستاذ لسه مش قلها
فبيحس انه مش ليه لازمة (دي مع الاستاذ اللي شخصيتة قوية )
(3) الاستاذ اللي شخصية ضعيفة بيقعدوا يأكلوا في الحصة ويتكلموا وحاجات
نيجي للحكومة
(1) مش بيدفعوا مرتبات كويسة
مدرس عنده 3 او 4 عيال هيصرف عليهم منين
(2) ارتفاع الاسعار كل شوية يابابا هات مش عارفة ايه انا عايزة كذا
ايه طبعا بعد دا كله
المطر يركب الصعب

تالت حاجة
نهاية المطاف
لقيت الصورة دى بردو واصفة كلامى

بعد كل التعب
ابتدائى واعدادى وثانوى وجامعة يبقا حالنا كدا !!!!!!!!!!!!!!!!
مفيش شغل وكله بيقعد يتفرج على شهادته اللى على الحيط ولما يزهق يروح يقعد على القهوة على بال ماحد يجيبله شغلانة حفر فى مشروع مجارى
والحقيقة مش عارف ايه الحل فى دا
نتعلم مش نافع نطلع من التعليم مش نافع
يبقا نعمل ايه؟؟؟؟؟؟؟؟
انا عرفت الحل لو انتو كمان عرفتو اتصلو بينا وانتو تكسبو شهادة تقدير تعلقوها جمب شهادة نهاية التعليم اللى على الحيط
وبعد دا كله نقول العيب فى مين
ودا ليه ( لاننا مش زى غيرنا احنا مش زى اى حد )
........................
دمتم فى رعاية الله
:::::::::::::::::::

لا اله الا انت سبحانك انى كنت من الظالمين

فيه شغل ياباشمهندس وكثير كمان
بس انت عمر سألت نفسك مين اللي بيشتغل
اللي عنده فكر عنده خبره عنده مهارة
اللي ممكن لما أشغله اكسب من وراه مش اخسر
اللي بيجتهد ويعمل اللي عليه بيلاقي
بس الشباب عايزة تقعد ع مكاتب وخلاص
او بمعني اصح يجي الشغل حد عندها
الشغل مش عيب حتي لو كان في المجاري
ممكن تحوش من الشغل دا وبعد كدا تعمل مشروع
او تحسن من افكارك واسلوب
دلوقتي مفيش حاجة اسمها حكومة
لان زي ما بيقولوا المال السايب يعلم السرقة وفعلا لما كان فيه
تسيب وكدا محدش كان بيهتم بالشغل الا القليل
لكن لما بقت اصحاب شركات الكل بقي مهتم
وبيعمل كل اللي في وسعه عشان يبقي الافضل
اللي بيتعب ويجتهد ويدور هيلاقي
واللي هيقعد ومش هيتحرك القطر هيسيبه ويمشي
بجد موضوع متميز كالعادة مع اني مختلفه معاك