بص ياسيدى انا ليا واحد صاحبى فى صنايع
اولا بالنسبة للمعادلة اللى بتتكلم عنها دى
فعلا انت لازم تجيب مجموع فى صنايع زى مابتقول عشان تعرف اساسا تخش هندسة برضه
يعنى مش تجيب 50% وتعمل المعادلة
لا انت لازم مش عارف تجيب فوق ال 85 تقريبا
وهى مش ساهلة بالنسبة لبتوع صنايع لانهم مش متعودين على المذاكرة اساسا
حتى لو انت موس فصنايع هتغيرك ماتخفش
المهم انه مش من السهل يعنى ومش صعب طبعا
الصعب فى حوار المعادلة
انك لازم مش عارف تذاكر تقريبا كل منهج الفيزيا والكيميا والرياضة 1 و 2 بتاعت ثانوية عامة والانجليزى وتمتحن فيهم وتجيب اكتر من 50% فيهم فى 3 اشهر
لو عرفت تعملها يابطل تقدر تخش
ولو غير كده ممكن تذاكرهم فى سنة وتخش المعادلة برضه
بس مين ليه طيق يعمل ده كله اساسا
بس المشكلة بعد اما بتخش بتفرق معاك جامد عن بتوع الثانوية العامة وتلت تربعهم لازم يدبلر
الا لو انت شاب حريت واوعى يعنى ممكن تقعد سنتين الاول وبعدين تدبلر
وعلى فكرة مافيش حاجه اسمها انتساب موجه ولا حتى بحر كامل
الساعات المعتمدة تختلف اختلاااف كاااااامل
وبتاخد مجموع زيها زى بتاع الثانوية العامة او ممكن اكتر بالذات فى التنسيق الداخلى
وهو موجود عندنا بأسم النيو بروجرمز
وانت فيها لازم بتحضر
انما الانتساب دى مش بتحضر فيها اساسا
يعنى دى حاجه ودى حاجه تانيه خالص مش عارف ازاى بتقول عليها انتساب
ماعلينا ده اللى اعرفه والله اعلم