سلام عليكم
تصدق انا برضه مفهمتش زيك ايه نظام الساعات المعتمدة ده ...
بس انا فهمت المجمل يعني ... لانه نظام ملخبط حبتين ...
طبعاً العيب اللي بتكلم عليه هوا عيب نظام الساعات المعتمدة ... ان شهادتك عادية زي شهادة اي واحد خريج هندسة ... يعني بيتكتب لك : بكالوريوس هندسة قسم كذا .... مش بكالوريوس هندسة برنامج ساعات معتمدة قسم كذا ...
بالنسبة لحكاية انك تخلص الساعات دي في قد ايه ....
ح اوضح لك اكتر :
انت دلوقتي عارف ان قسم مدني دراسته اربع سنين بجانب الإعدادي صح ؟ ...
اهو مثلاً الكلية عاوزة تفتح مدني بس بنظام الساعات المعتمدة ...
الكلية ح تفتح نظام مدني ازاي بالساعات المعتمدة ؟
الاربع سنين بتوع المدني دول الكلية بتقسمهم على عدد ساعات معينة يجتازها الطالب .
فهمت ؟
يعني مثلاً تلاقي الكلية بتقول : لابد من اجتياز 180 ساعة معتمدة لنيل درجة البكالوريوس في تخصص الهندسة المدنية . و الساعات دي بتساوي بالظبط دراسة اربع سنين في مدني .
يعني 4 سنين = 180 ساعة معتمدة
يعني زيك زي اي حد بيدرس مدني ...
------
مشكلتك هنا مدة الانتهاء من الساعات دي ...
انت ممكن تعدي اول سنة عادي و تريح لك سنة سنتين و تكمل ...
و ده اللي قصدي عليه ...
انك ممكن تتخرج في سبع سنين ... و ممكن تتخرج في سنتين ( لو انت فلتة مذاكرة يعني ) و ده مش ممكن يحصل ... لأن الكلية محدده لك عدد ساعات معينة تخلصهم في سنوات معينة .... و انت برضه حر ..
يعني لو كملت تلات سنين ( المعدل الطبيعي ) تتخرج ...
تلاتة و نص تتخرج ...
خمسة تتخرج ...
سبع سنين برضه تتخرج ...
و ميزة نظام الساعات المعتمدة انه بيريحك و يدلعك ...
بمعنى
انك انت اللي بتختار المواد اللي انت عايزها و انت اللي بتختار مواعيد المحاضرات و السكشنات و الدكاترة كمان و بتختار كمان جدول امتحاناتك ....
و ده مش موجود في النظام العادي بتاع هندسة ...
ارجو اني اكون وضحت
انا نفسي مش فاهم حاجة ... :-)
جزاكم الله كل خير
|