السلام عليكم ورحمة الله وبركاته
بإذن الله ضيفتنا الأولى هي
آية من الله
أنا هسأل آية أسئلة والأعضاء كمان من حقهم يسألوها
بس لو سمحت يا جماعة مش أسئلة زى بتاعت كرسي الاعتراف وكده
لأ ,,,
فكرة البرنامج أو الموضوع ده دينية
فياريت بلاش أسئلة خارج نطاق الموضوع .
نبدأ يا آية .
أولا : كلمينا شوية عن علاقتك بربنا ؟
هو سؤال صعب جدا بصراحة
بس اقل مايقال انى مقصرة جدا
وبسعى الى حد ما ازيد الرابطة شوية
ثانيا : بالنسبة ليكي إيه هو سر السعادة ؟
ان افوز برضا الله
ليس باكثر
ثالثا : احكيلنا موقف مر عليكي
هحكى موقف كان سر انه يغير حياتى
انا كنت بصراحة مش ناوية اتنقب خالص الا فى الجامعة ان شاء الله ومكنش فى دماغى
انا كنت ساعاتها لابسة خمار
كنت فى مشوار وبشترى حاجة علشان رايحين نصيف
فلاقيت شاب ملتحى قالى لو سمحت ممكن تسمعى الشريط ده
فقولتله آسفة مش هاينفع انا مسافرة اسبوع مش هاينفع ارجعه
قالى مش مشكلة لما ترجعى م السفر اسمعيه
فاخدت منه الشريط كان اسمه شبهات فى وجهه الحجاب لمحمد حسين يعقوب
رجعت من السفر فعلا وقولت اسمعه
كان بيتكلم على النقاب انا بسمعه لمجرد سماع مش اكتر كاى درس
انا خلصته من هنا كنت عاوزة اسمعه تانى وتالت فعلا سمعته
بس المرة دى اثر فى جامد جدا وبقى النقاب هو هدفى الاول
انا كنت ساعتها رايحة اولى ثانوى يعنى صغيرة خالص عليه
المهم كلمت بابا قالى لا هتتعرضى لمشاكل كتير خليه فى الجامعة واتقفل الموضوع بكلمه مرفوض
روحت لماما مفييش تقولى لا انت لسه صغيرة ومش هاتكملى وهاتقلعيه
اقولها لا والله انا حبيته بجد
المهم هى رافضة خالص بقيت اخدها واروح لشيوخ واخليسهم يقنعوها مفيش فايدة
لغاية ماروحت لشيخ قالها روحى اشترى لبنتك النقاب ولو هاتيجى على التعليم قعديها منه خالص
بردا ماما رافضة
جيت فى يوم نازلة حفظ القران فمسكت نقاب ماما بجربه وبقول لماما خلاص انا نازلة
قالتلى انزلى قولتلها بالنقاب
قالتلى بردوا انزلى
بجد نزلت مكنتش نازلة على رجلى حاسة انى بطير
والحمد لله ربنا يثبتنا عليه ويجعله فى ميزان حسنات هذا الشاب ان شاء الله
احم كل ده
موقف صعب جدا ولجأتي فيه لربنا ونصرك فيه ؟
كتير جدا بجد
ربنا ده رب جميل جدا بجد
كتير اوى اوى بلجاله ومفييش مرة خاب ظنى به (حاشاه)
لجد بحس انى بكلمه وهو بيرد على بالاجابة ولي مواقف كتيرة اوى
رابعا : عايزين نصيحة منك عشان نعيش سعداء ؟
توكل على الله وانت على يقين منه
هاتعيش اسعد واحد فى الكون كله
مش هطول عليكي عشان باقي الأعضاء يسألوا .