اقتباس:
المشاركة الأصلية كتبت بواسطة Dr/sooma
السكاشن الإسبوع الجاي هتبدأ بغير المظلل وعلى فكرة يا جماعه سكاشن الفيزيا والحيوان هتبقى في كلية علوم وسكشن النبات هيكون في صيدله القديمه والكيميا في المبنى بتاعنا عادي(المبنى الجديد)
ومتهيألي النهارده كان الوضع أحسن شويه ومش حاسين بالتوهان زي امبارح
محاضره الكيميا الفيزيائيه للدكتورة فوزية كانت حلوة أوي وشرحها بسيط خالص
ومحاضرة اللغه بردو كانت معقوله والكتاب هينزل الإسبوع الجاي وهنشتريه من تجارة وعلى فكرة محدش يعتمد على الورق في اللغه والكتاب هيبقى مصدر المذاكرة الأساسي وحاولوا تحضروها عشان مش تتكتبوا غياب وكده وفي حاجات بيقولها الدكتور في المحاضرة مش بتتكتب في الورق عشان يميز اللي حضر من اللي محضرش
بس أنا سمعت ان الجدول بيتغير كل فترة بس مش عارفه الكلام ده صح ولا غلط
ياريت اللي يعرف يقول يا دكاترة
تحياتي  |
يا نهار مش فايت هو انتوا خدتوا كيمياء فيزيائيه النهارده كمان دى المفروض اللى احنا خدناها امبارح فى المجموعه ج علشان تبقى المجموعات ماشيه مع بعض وامبارح طبعاً مخدناش حاجه علشان الوكيل وكله عرفنا بنفسه وخلاص وحتى محاضره الكيمياء الفيزيائيه بتاعتنا الجايه يوم التلات وده كمان اجازه 6 اكتوبر وانتوا لسه ليكوا محاضره كيمياء فيزيائيه الاسبوع ده تانى لا يا جماعه كده كتير مجموعتنا ج دى ضايعه خالص
انا كنت ناوى بكره اروح اشوف المهرجان بتاع الانشطه الطلابيه اللى قدام كليه هندسه ده بما انى معنديش محاضرات بكره وزهقان وبالمره اخش للوكيل او اى حد هناك اعرف منه الحوار ده وهم شكلهم ناس متعاونين كده ونفسهم يخدموا
تحياتى