[Golden Eagle]

المشاركة الأصلية كتبت بواسطة تسابيح النجوم

السلام عليكم ورحمة الله وبركاته
و عليكم السلام و رحمة الله و بركاته
انتم بقي عملتم ايه ..؟؟

عملنا إيه بقي
أول يوم
رايح بدري جدا ً جدا ً
ع الساعه 11 كدا و محاضرتي ع الساعه 1
رحت مع صاحبي
بعد ما وصلنا قاللي إستني
لازم أروح لبابا علشان أنا جاي ترزان لا معايا قلم ولا حاجه أكتب فيها
طيب يا عمر
من 11 لغاية 12 و نص كعب داير بندور ع الحته اللي عايزين نروحها
و كل ما نكلم واحد يقول البوابة اللي جنبي
تقريبا ً لفينا ع كل بوابات الجامعه
المهم ف الآخر وصلنا و أخد الحاجه و رايحين المدرج
الحج العميد قال شوية كلام كدا
و بعدين رحنا المحاضره الاولي
الدكتور كان بيشرح كيميا غير عضوية
يعني إمتصاص الذرة للطاقة و حاجات كدا من بتاعت ثانوي ( لو كنتي علمي لازم تعرفيها )
المشكلة بقي إني ف ثانوي كنت فاهم الكلام دا
من الكلمتين بتوع الدكتور نسيت اللي كنت فاهمه
غير إنه بيتكلم إنجليزي بسوط واطي
و بيكتب ع السبورة بقلم أحمر باهت ( الظاهر مش عايز حد يشوف ) و النظر ضعيف خلقة و قاعدين بعيد
و أنا بحاول أكتب حاجه وراه ما عرفتش أكتب إيه
و عدت المحاضرة الاولي كدا
كتبت اللي باسمعه ( ولا كلمة إنجليزي )
خلصت المحاضرة
بعدها سكشن النبات
بعد التوهان و كنا أول ناس نسأل قعدنا ف معمل كدا و الدكتور مقعدنا جنبه
بعد كدا قال روحوا معمل 1 ( اللي كنا فيه و الدكتور بتاعه قال روحوا معمل 5 )
رحنا 5 ما لقيناش مكان نقعد فيه بعد ما كنا ف أحسن مكان ف المعمل التاني
الدكتور بقي
بإختصار دكتور بيكره نفسه
بس مش بيسيب حد بيسأل بصراحه
و ف نهاية السكشن قال بإذن الله أنا مش هاشوف معظمكم ف السكشن الجاي
و دي كانت نهاية اليوم الجامعي اللي بدأته الساعه 11 الصبح و خلصته الساعه 7 بالليل
شكرا ً ع الموضوع