[احمد رضا]

ههههههههههه لا حول ولا قوة إلا بالله
إزاي الكلام ده ؟ طبيب اللي كاتبه ؟
أشك في ذلك حد اليقين

طيب اخوك مش طبيب وهقولك حاجة كويسة
بالنسبة لأشعة الشمس فهي مفيدة جداً للبشر بصفة عامة
وحجبها إنها تدخل من الوجه والكفين لفترات طويلة بيؤدي لضمور او إفساد فيتامين d في الجسم
والفيتامين ده لما بينقص بيؤدي لتسوس العظام ولا يخفي عليك تسوس العظام بيعمل إيه من شروخ ولما الواحد يتكسر ميتجبسش وما إلي ذلك
بالنسبة لبُخار الماء فده ممكن نقوله في أماكن الثنايات والإبطين وما إلي ذلك بس بيبقي مفيد وبيرطب .. إنما عند العين بُخار الماء مؤثر بالسلب وبص في الأفلام الأجنبية كدا ولا أي أفلام هتلاقي إن الناس اللي بتدخل ( السونة ) بخار الماء الدافئ بيلبسوا وقايات علي عنيهم .. واسأل فيها طبيب متخصص هيقولهالك بالرغم من ان المعلومة دي كنت قريتها من سنة كدا في ( عالم المعرفة ) مش من متخصص

الله يكرمكم ياجماعة عايزين بناتكم يلبسوا نقاب يلبسوه من سكات ومش عايزين تعب عقلي .. وانا لما بقول البسوه بقول إلبسوه عشان مؤمن بالحرية الشخصية فقط لا غير ولكن إيماناً بمبدأ لا ضرر ولا ضِرار راقبوا بناتكم بعد ما يلبسوا النقاب ( إذا عرفتوا ) ..

لإن إجتماعياً النقاب استغلوا كتييييييييييييييير جداً - بالخطأ - من لصوص وزناة وعاهرات وعد من الحاجات الوحشة أكوام عشان ينفذوا اللي هما عايزينه

يعني افتكر مثلاً واحد في القاهرة كان بيلبس نقاب ويدخل حمام السيدات
وافتكر بردو تلت اربع بنات ف البحيرة كانوا واخدين النقاب تستر من فعل مشين للغاية
وافتكر بردو ودي ممكن يكون كتير فيكم عارفينها قصة دوكتور في طنطا زوجته كانت بتخونه وبتخبي عشيقها في لبس نقاب
والسرقة في القاهرة من جماعة من ( المنتقبين ) وووو حاجات كتير

.. مش معني كدا إن واحدة لابسه نقاب تبقي وحشة .. ابداً

لإني افتكر إني قابلت منتقبات غاية في الإحترام وغاية في الأخلاق
وافتكر إن كان فيه ستات بتعمل الخير من ورا نقاب عشان متإذيش مشاعر حد وحاجات بردو من كدا

إذن مش مسألة نقاب ومش مسألة كلام من دا اللي مبيدخلش دماغي بأربعه جنيه وربع وملقتش كلام فيه يقنعني ولا ديني ولا طبي ولا اجتماعي

متحاولوش تبرروها طبياً الله يكرمكم لإن اللي بيتداول الحاجات دي أنظمة سياسية عايزة توسع من نطاق أرضيتها الديني وبتاخدكم انتوا المحرقة بتاعتها

لإن 100 بنت لابسين نقاب يبقي الميه دول قدام الإعلام او في الإحصائيات العامة تصنيف : جماعات دينية مما يُشكل لهم قوة وشعبية
وخد بالك اللي عامل البحث ده مش طبيب
لان لا يتوافر فيه صفات البحث الموضوعي

شكراً علي الموضوع وجزاك الله كل خير علي نيتك اللي اتوسم فيها الخير
جزاكَ الله بما في صدرك