[طبيبة اسنان مسلمه]

المشاركة الأصلية كتبت بواسطة هبه المسلمه

يا جماعه انا عايزه اقول على حاجه
انا الحمدلله منتقبه وبصراحه لبسته وانا مش مقتنعه بيه ميه ف الميه لكن كان فى ضغوط
وبعد شهور جالى الوسواس انى مش مرتاحه فيه واتسرعت وانه عازلنى والكلام ده وفكرت انى اخلعه لكن دعيت ربنا ان كان شيطان يبعده وفضلت على لسانى دعوه (اللهم لا تزع قلوبنا بعد اذ هديتنا)
(اللهم ثبت اقدامنا) وكل ما ترودنى الفكره ادعى واستعيذ بالله من الشيطان الرجيم
فكرت اسئل شيوخ لكن انا عارفه ان دلوقتى حسب الشيخ خفت الشيطان يسولى انى انقى الشيخ اللى على كيفى فيقولى يجوز وابقى قال يعنى ابرأت ذمتى وبدأت ابحث عن موضوعات عن النقاب تحمسنى انى افضل عليه وسبحان الله ربنا مكنش بيهدينى الا للمواقع اللى بيشجع ويحمس عليه ونادرا ما كانت بتقع فى ايدى فتوى لمنعه وحسيت ان ربنا بيهدينى ويرشدنى للصواب سبحان الله ده فضله علينا
وبدأت اواجهه اى حد بيحاول يعنفنى بسببه وكنت خايفه قلعى ليه ان صورتى وعليها صوره الدين تتهز ويقولوا اهيه اللى بتقول الدين لبسته وقلعته وابقى فتنه او مبرر لاى واحده تفكر تقلعه وساعتها اى كلام ممكن اقوله خلاص بقى مينفعش وخاصه انى بدرس فى معهد دعوه طبعا دى من ناحيه تانيه لا الملتزمين هيجوا معاكى ولا الغير ملتزمين لان كلامى هيكون غير مقنع
انا حبيت انقل الكلام لعله يكون افاده لاى واحده ممكن تكون زيى
ادعوا لى بالثبات واعذرونى ع الاطاله

اولا يا هبه ربنا يثبت قلبك على دينه
ثانيا انا باقولك انتى فى نعمه كبيرة جدا لا يشعر بها الا المحرومه منها ياهبه فى بنات بيبقى نفسها تلبس النقاب وبتبكى لاهاليهم بدل الدموع دم فانتى يا هبه فى نعمه لا تخلعى نقابك وياريت يبقى فى صحبه صالحه تعينك على الطاعة وربنا يثبتك واخلصى النيه لربنا وجدديها ان النقاب ده انتى لابساه ابتغاء مرضاته عشان تؤجرى عليه طول ما انتى لابساه وبرجع تانى واقول على الصحبه الصالحة

تقبلى مرورى وربنا يهدينا واياكى ويهدى بنا ويجعلنا سببا لمن اهتدى