اقتباس:
المشاركة الأصلية كتبت بواسطة نغممحمد
السلام عليكم
بجد ياستاذ محمد يعجبني اسلوبك بالكتابه
وتضحكني كتير وتدخل السعاده الى نفسي
وحضرتك باسم الله وماشاء الله لاتمل ولاتكل
من الكتابه..
فحبذا لو تسخر قلمك المبدع في مجالات اخرى
ومواضيع اكثر فائده وانفع من معاداة المرأة
وحضرتك عارف مش حد من الرجاله حيرد عليك
ليس خوفا ولكنهم غير مقتنعين بكلامك..
عفوا محتمل تكون زوجتك أو زوجة صديقك من المفتريات
فسبحانه وتعالى يقول في كتابه الكريم(الطيبون للطيبات)
وانا مش حكمل الايه الكريمه..
ذنبنا احنا ايه حضرتك مالك في الطيب نصيب
يارب تمتعنا بكلامك الجميل عما قريب
تقبل تحيات اختك نغم
|
فحبذا لو تسخر قلمك المبدع في مجالات اخرى
ومواضيع اكثر فائده وانفع من معاداة المرأة
ونعم الراى والله يانغم بس الظاهر استاذ محمد ماورهوش غير المراه او نقول تحديدا
اهانه المراه تحت مسمى ادب ساخر دا ان كان اللى بيكتبه فيه شىء من الادب اصلا
انا قريت لكتاب كتير طبعا افضل من استاذ محمد بكتير جدا خاصه فى الاسلوب وانتقاء الالفاظ
ومفيش حتى اى وجه مقارنه بين كتاباته وبين كتاباتهم
وعمرى ماقريت مواضيع بالعدوانيه دى تجاه المراه ولا بالاسلوب دا ولا بالالفاظ دى
لكن نعمل ايه بقى على رايه ربنا يهد المفترى وينتقم من اى حد يظلمنا بكلمه
تعرفى بيفكرنى بشىء مهم عرفته لما كنت بعمل دبلومه فى علم النفس
لما بيكون انسان معرض للضغوط النفسيه وحاسس بالكبت والعدوان تجاه حد او شىء نتيجه الكبت
احسن طريقه علشان يرتاح نفسيا انه يجيب ورقه وقلم ويكتب اللى مضايقه وكل اللى هو عايزه
وبعدين يقطع الورقه فمن الواضح ان استاذ محمد بيستبدل الورقه بالقسم الادبى
فى منتدى الثانويه العامه
وفعلا معاكى حق لما قلتى
وحضرتك عارف مش حد من الرجاله حيرد عليك
ليس خوفا ولكنهم غير مقتنعين بكلامك..
بس ازود ان فيه كتير اصلا بيشوفه مواضيعه مننا وبيفضلوا ميردوش خالص لانهم بيشوفوا
انها مواضيع لاتستحق الرد عليها
انا امبارح كنت بكلم صديقه على الموقع
قالتلى انا بشوف مواضيعه ومش شايفه اصلا انها تستحق الرد عليها ومن الواضح انه بيعمل كدا
كنوع من اثاره الانتباه او ممكن متعقد من الستات ولاحاجه
ومن الافضل عدم الرد عليه اصلا
سورى طبعا يااستاذ محمد متزعلش منى بس طبعا حضرتك ككاتب بتحترم الراى الاخر
مهما كان ضدك