[theotherface]

ليه ياحوده بس ياعم اى حاجه متضايقك اكتب هنا
وباذن الله اللى فى مقدره اى حد يعملوه هيعملهولك بدون تردد
وعموما ياعم انا مجموعه الاولى وسيكشن تلاته واى سؤال انا فى الخدمه
اه صح ياجماعه انا اسمى احمد ياريت تحفظوا اسمى بقى
بلاش كل شويه
the other face
وياعم انا لسه منزل جدول بتاع مواعيد الدكاتره
ياريت يكون فادك لومكنش معاك
وبدل سمير غانم مش عاجبك احضر لاى حد تانى فى دكاتره ممتازه
مثلا سمير صبرى
ياعم والله الحكايه عايزه صبر هى بصراحه الكليه منظرها مستفز
يعنى انا مثلا انهارده قعدت ادور ع معمل الكيميا بتاع اعدادى حوالى ساعه علشان احضر فيه سكشن الميكانيكا اصلهم غيروا مكانه
وفى الاخر قلوليى ان المعمل مش هيشتغل الاسبوع ده وكمان مش متاكد من مكانه
عادى يعنى الكليه هى لوحديها متلغبطها عايزه الواحد يقعد فيها تلات اربع سنين علشان يعرف الاماكن كويس
فمتقلقش احنا لسه يعنى جدد واكيد الغلبطه ديه وارده
اما بقى لوانت مش عارف تذاكر ازاى او حاسس انك بتنسى المحاضره لما تتدخل محاضره بعديها
ده عادى يعنى
انت بس لما ترجع من اى يوم تقرا اللى كاتبته فى المحاضره مش هياخد نص ساعه
هتلاقى نفسك افتكرت
وبعد كده لو عايز تذاكر اوك
اما لو عايز تذاكر فى اى وقت تانى هتلاقى نفسك فاكر الحاجات لانك قراتهم براحه ففهتهم كويس
وانا كنت بكلم واحد خلص السنه اللى فاتت مدنى قالى اهم حاجه تفهم
واى حاجه مش فاهمها اسئل فيها اى حد
ومطنش وتقول هبقى افهمها
وقالى بردوه المحاضرات لو حضرتها كلها احسن من اى كورس تاخده
بس كده متقلقلش اكيد اى واحد متلغبط بس مع الوقت كل حاجه هتبقى تمام
وع العموم ايميلى موجود ع المنتدى لو عايز اى حاجه قولى
معلش بقى طولت عليك بس ياريت اكون فيدتك ..