بص يا سيدي .. طبعاً انتا دخلت فيا شمال في الموضوع التاني ..
بس ماعلينا مش مهم
بالنسبة لدعوتك في حكاية الانجليش دي انا شايف انها دعوة جميلة جدا ومبادرة حلوة منك
بس لازم تفرق بين حاجتين .. انجليش اكاديمي .. وانجليش محادثة ..
وماينفعش تخلط الاتنين ببعض .. لإن فيه كتير جدا بيعرف يتكلم انجليش صاروخ ..
بس بييجي في اللغة الاكاديمية والمصطلحات المعقدة وتتلاقيه مالوش فيها
عندك انا مثلا اهو .. مستوايا في الانجليش بحمد ربنا عليه وبعرف اتكلم كويس اوي
بس باجي بقى اما اسمع مصطلحات اكاديمية في دراسات معينة
زي مثلا اي حاجة طبية او هندسة تلاقيني تنحت !!
ليه ؟ .. لإن انا متعلم الانجليش كجرامر وكمحادثة ..
واللغة الاكاديمية اللي نوعاً ما كويسة هيا المصطلحات التجارية
غير كدا ماعرفش .. لو قولتلي خش محاضرة في كلية طب هاقعد مبلم مش هافهم حاجة
فانتا حدد دعوتك هل دي لغة اكاديمية ولا لغة محادثة ..
لو لغة اكاديمية يبقى تمام اوي وميه ميه ..
لو محادثة أظن فيه قسم مختص في المنتدي اسمه تعلم الانجليزية
http://thanwya.com./vb/forumdisplay.php?f=304
فامتهيألي هوا دا القسم الخاص بالموضوع دا ومافيش داعى ان احنا نعمل دعوة هنا
بس عادي مافيش مشاكل برده .. عموما ربنا معاك يا مان