احنا ف الاول بس لازم نفرق بين نقطتين او حاجتين
الاولي الحريه الشخصية والتانية احترام قوانين المؤسسات
يعني بصفه عامه لاي شخص مطلق الحريه ان يرتدي الملابس اللي يشوفها كويسه
بشرط انها متخدش الحياء العام
يعني مفيش شخص يمشي ف الشارع من غير ملابس
لاي شخص مطلق الحريه ف ارتداء اي رمز ديني سواء طاقيه او نقاب او ...الخ
يعني فيه عباره كميل اوي لفولتير
بيقول كل انسان حر مالم يكن مخربا او هداما
ومظنش النقاب بينطوي ع تخريب او هدم لاخلاقيات
يعني الموضوع دينيا عليه اختلاف
صحيح الائمه الاربعه حددوا عوره المرأه بالوجه والكفين
بس الموضوع لسه محل اختلاف
النقطه التانية احترام قوانين المؤسسات
الحريه الشخصيه لاي شخص بتقف او بتنتهي عن قوانين المؤسسه
مينفعش الفرد يفرض قوانينه او حريته الشخصيه ع المؤسسه
للشخص مطلق الحريه انه يختار المؤسسة او الجامعه او المدرسه اللي تعجبه
بس طالما اصبح عضو فيها الافضل انه يلتزم بقوانين المؤسسة
يعني مظنش فيه حد بيدخل جامعه او مدرسه بجلابيه ولا حتي بدله رقص
مع اختلاف التشبيه طبعا
بس مجمل القول ان الالتزام بقوانين المؤسسات بيتعدي الحريه الشخصيه
متابع الموضوع او النقاش ان شاء الله
ف حاله لو متنقلش لقسم المواضيع المكرره
الناس كلها بتتكلم عن الموضوع دا كتير ليه صحيح
مش مشكله اوي المظهر او الشكل
ف الدوله اللي جانبنا
واحده اخدت جايزه نوبل واحنا لسه بنتكلم ف الموضوع دا