[QUOTE
شكرا على كل حال رغم ان الاستفاده محدوده
انا شايف ان العملى اسهل من المحاضرات الواحد بيشوف العينه و يقول نوعها و خلاص على ما اعتقد
اما كتاب البوتنى فحكايته حكايه و وقتى كله ضايع فى الترجمه و مش عارف هو الكلام المكتوب كله بيتحفظ و لا نظامه ايه كل ماا احفظ كلمتين انساهم و المصطلحات كبيره و رخمه
و المشكله عليه110 بصراحه انا تايه فى الكتاب ده كله رغى
يا ريت اعرف يا دكتورة سارة انتى جبتى امتياز ازاى اكيد بدعاء الوالدين
][/quote]
البوتانى بيعتمد على حفظ اكتر بس بردو مش معنى كده
انى مفهمش حاجة لاااااااااااا طبعا
انا عن نفسى معرفش احفظ غير لما افهم
انا كنت بجيب الكتاب معايا فى المحاضرة والحاجات اللى على ال slides بخطط عليها لانها دى اهم حاجة وكمان الكلمات الجديدة والشرح
اللى الدكاترة بيشرحوها تكتبها لانها بتساعد كتير فى الفهم وبالتالى تحفظ وانت فاهم
ومش كل كلمة تعد تدور عليها فى القاموس لان الطريقة دى فاشلة ومش هتعرف تخلص ولا تنجز حاجة
انت تدور على الكلمات المهمة والكلمات اللى تقدر تفهم معناها من السياق متدورش عليها
معلش هوا الترم الاول فى البوتانى مبليان دش كده ومش ممتع غير الترم التانى هتبدا تاخد drugs
اللى بنعملها من النباتات واستخداماتها هتبقى مستمتع اكتر بكتير وكمان هيبقى ماشى مع العملى
بس والله البوتانى امتحاناته كويسة جدااااااااا واسئلتها بتبقى حلوة مش صعبة وتقديرات معظمها امتياز فى المادة دى
بس زنوا على الدكتور اللى بيديكوا وقولوا له ينزل المحاضرة على السايت
ورربنا يوفقكوا ويوفقنا يااااااا رب
آخر تعديل بواسطة * dr.sara* ، 15-10-2009 الساعة 05:52 PM
|