اقتباس:
المشاركة الأصلية كتبت بواسطة _guide_
انا قولت رأى ومش موافق على الاقترا ح
بس فى عضو عمل حاجة ظريفة اوى عمل حص للناس الغير متواجده
شوفه الناس دى اخر تواجد ليها كان امتا والناس اللى مبتدخلش من فترة طويلة
يتشاله ومشرفين الاقسام الموجودين ومتواجدين حاليا مفيش عليهم اى مشكلة
يبقى الغير متواجد يتشال
ويتعمل نظام انتخابات مصغرة او ترشيحات لعدد من الاعضاء النشيطة فى الاقسام دى
.................................................. ...............................................
انا بعتذر لعدم تواجدى بالشكل المطلوب
وذلك نظرا للحالة الصحية اللى زى الزفت وبقالها فترة
|
أولاً سلامتك ألف سلامة يا باشا ووحشني والله
وثانياً اقتراحك مقبول بوجه عام دون الخوض في تفاصيله
وثالثاً : في نقطة يمكن أن اللي مقصر فيها موضحتهاش كويس
وهي إن موضوع الإقالة الجماعية ليست إهانة لأحد وليس معناها أنهم بيشتغلوا عندنا
إنما معناها كالأتي
1. قرار بحل مجلس مشرفي الأقسام بما فيهم المشرفين السوبر ملحق به مشروع قرار بتعيين المشرفين والمشرفين السوبر الآتي أسماؤهم
وهنختار الشغالين واللي مش مقصرين ونحط أسماءهم
وبعدين اللي مش شغال نشيله ونفتح باب الترشيح سواء بالانتخاب أو بالتعيين حسب ما هنتفق
طبعاً يا جماعة فيه خطوات قبل قرار الإقالة دا لازم تتعمل
1. إبلاغ جميع المشرفين الغير متواجدين بضرورة التواجد والاهتمام بالإشراف بثلاث رسائل متتابعة على مدار ثلاثة أيام
2. الإطلاع على الحصر الذي قام به أخي اللورد للمشرفين العاملين منهم وغير العاملين ثم أخذ مهلة لمدة أسبوع لاقتراح أسماء جديدة للإشراف لنكون جاهزين لتعيينهم بعد الإقالة مباشرة
يا جماعة أنا بحاول معاكم نعمل هيكل قوي للمنتدى أينعم محدش بيشتغل عندنا ولا في حد ملزم بحاجة إنما طالما ارتضيت إني أكون مشرف لازم التزم بالإشراف فالعمل التطوعي ملزم لمن اختاره ..
في شك عند حد منكم إني يهمني مصلحة المنتدى؟
يمكن الفترة اللي فاتت كنت متغيب عن المنتدى مش كحضور لا كشغل بس ربنا وحده اللي يعلم إني تقدمت بالاستقالة واترفضت أكثر من مرة لإني رأيت إني مش قادر أوفق بين ظروفي وبين المنتدى بس دلوقتي والحمد لله ربنا يسر الحال
وعلى فكرة كل مشرف إداري هنا أنا بحترمه وبعتبره أخي بمعنى الكلمة وعارف إن أخي اللورد والفريق اللي معاه شاله كتير وتعبوا كتير مش مهمة رقابية بس بل قاموا بمهمة مشرفي الأقسام كمان
عشان كدا لازم المسئولية تتوزيع على هيكل قادر على العمل المتواصل بإذن الله
وأنا أولكم يوم مش هلقى نفسي غير قادر على أداء هذا العمل التطوعي سأتركه لأحد غيري قادر ..
وجزاكم الله الخير كله