[رفعت فوزى]

اولا شكرا اخى الفاضل اكرم على هذا العمل الرائع
واللى فعلا بيناقش حال البلد فى هذه الفتره
ولكن انا بحاول استفيد من كل اللى فى المنتدى علشان كده بتكلم دايما بصراحه
وببحث عن النقد الحقيقى
وحبيت اقول رايى المتواضع فى هذا العمل الجميل

منه لله اللي ظالم

اللي عاش عمره مش حـــاسس بحد

واللي كرسيه تحتيه احـــــــسن سند

واللي يحرق واللي يخرب 100 بلد

واللي يبنـــــــي بينا وبينه 100 سد

واللي ف ســــــــياسته وف رئاسته

كترو يا اخــــــــــــــــــــوانا العوالم

== منـــــــــــــــو لله اللي ظالم ==

**
اللي مش شاغل دماغو غير "ببوش ومون بيريز "

واللي عمره ما خلى حد غير " كلابه " يعيش عزيز

وف كلامه وف عداوته لناس غلابه تحس انه" هركليز"

ولا عمره كان صافي في يوم وعمره ما كان مسالم

== منـــــــــــــــو لله اللي ظـــــــــــــــــــــــالم ==

**
100سؤال بيقــــــــــــــــــــــــــولي ليه؟؟

ليه نموووووت من غير تمن وكإنا ريشه

ليه كتير ف بلدنا ليه مش حاسين بـــعيشه

ليه كتير ف البرد ليه يتغطوا بــ " خيشه "

ولا حد غير ربنا بيــــــــــــهم يا ناس عالم

== منـــــــــــــــو لله اللي ظالم ==

لحد هنا المور تمام والكلمات اكثر من رائعه

لكن بعد كدده اعذرنى


الجندي " عبدك " يا " حــــــــــــــبيب "

مات وف اديه كان ســــــــــــــــــــــــلاحه..

عبدك
اعتقد انها ملهاش مكان غير لما تقترن بالله عز وجل
فلا يوجد عباد الا له
وان كنت تشبه حبيب بانه بسطوته اصبح كالاله فاعذرن اتمنى ان تبحث فيها دينيا
حتى لا نقع فى اخطاء فقهيه وشركيه

اما فى الجزء
آل وهـــــــــــــوه كان معاك احسن فدائي

كنت عامله زي" طـــــــــــــــــــــــــــــــور "

ما تدورش غـــــــــــــــــير بيه" السواقي "

مات يا " حبـــــــــيب " وهوه بيـــــــقولك :

" تمام يا افندم " وعقبال البــــــــــــــواقي

النيران غطت ملامحــــــــــــــــــــــــــــــــه

ولا عتش معـــــــــــــــــــــــــــروف له معالم

اتمنى توضحلى مين المقصود هنا
هل هو جندى معين
ام هى رمز للمواطن الكادح؟
اتمنى اعرف وجهه نظرك

وفى النهايه اتمنى انك تقبل رايى هذا من باب حبى لك وحرصى على ان افهم عملك جيدا واستفيد منه
لذلك فانى اقراه اكثر من مره لاستفيد والاحظ التشبيهات والمعانى الجميله
وشكرا لسعه صدرك لى
واتمنى اعرف ردك على الاجزاء اللى سالت فيها
ويا ريت متزعلش منى