اقتباس:
المشاركة الأصلية كتبت بواسطة M.Sherif
استاذي الفاضل
حضرتك بتقول ان هنا مقترحات و حلول المشاكل
طب ما دي مشكلة اهي بتواجه الاعضاء
اللي الاخت اتكلمت عليها
و المشكلات سواء فنية او ادارية او اي حاجة
المفروض يتم طرحها و البحث فيها و حلها هنا بصفتكم مؤسس الموقع
ايه الداعي للاتصال ببريد الكتروني؟
يعني نظرة من حضرتك كل يوم لمدة دقيقة هنا في القسم
لن تعطلك في شئ
مش كده ولا ايه؟
ما أفهمه
انه يجب علي أصحاب المواقع ان يكونوا هم الحريصين علي
حل المشاكل التي تواجه الاعضاء
و بسرعة ... لانهم لا يطلبون حل مشاكل شخصية لهم
بل مشاكل عامة تمس المنتدي و تمس كل الاعضاء
فلما لا يكون هناك اهتمام كافي بها من حضرتك؟
هل هذا سيقلل من قيمتك كمؤسس الموقع ؟
!!!
الاحظ وجود مشاكل فنية عديدة فضلا عن الادارية
و ألاحظ يأس الاداريين أنفسهم
حتي من الحل أو الحل السريع
و الجميع يسخر هنا من كل واحد يدخل يكتب مشكلة
و يقولوا له ابقا قابلني لو حد رد عليك
طب ليه حضرتك توصل الاعضاء للمرحلة دي؟
هوا حضرتك ناوي تقفل الموقع ولا ايه؟
ما هو المنتدي لو هيستمر
ما ينفعش تبقا دي طريقة التعامل ابدا
لو حضرتك مش فاضي
يمكنك تفويض أحد بحل المشاكل الفنية و الادارية
لكن بالشكل ده
بوابة الثانوية اللي كانت كبيرة اوي في أعيننا
رصيدها هيقل
هيقل جامد جدا
أرجوك الشعب المصري كله اساسا يعاني من عدم مبالاة المسئولين بمشاكلهم
فمش هيبقا في المنتدي كمان
انا لو صاحب موقع
و عندي اعضاء في الموقع حريصين عليه و بيهتموا بمشاكله
كنت شيلتهم فوق راسي
و خصصت علي الاقل وقت محدد يوميا للرد علي مشاكلهم
أبسط شئ كان متوقع من حضرتك هنا في الموضوع ده
ان حضرتك ترد علي الاخت اللي بتسأل
لانها مش جاية تشحت و لا طالبة حسنة
دي جاية تلفت نظرك لمشكلة في منتداك
يعني تعبتلها حضرتك جواب شكر
كان ايه المانع لو رديت عليها
رد حضرتك بيوحي ان الناس اللي بيكتبوا مشاكل المنتدي
كأنهم شغالين بالاجرة هنا في المنتدي
و لا يهتم بهم أحد
و اذا رد عليهم مؤسس الموقع
فلا الاجابة تشفيو لا الكلام حل مشكلة
سبحان الله
|
السلام عليكم مستر شريف
أشكر حضرتك على الإهتمام و لى تعليق
اقتباس:
ايه الداعي للاتصال ببريد الكتروني؟
يعني نظرة من حضرتك كل يوم لمدة دقيقة هنا في القسم
لن تعطلك في شئ
مش كده ولا ايه؟
|
البريد الإلكترونى أفضل وسيلة للدعم لأن هناك موظفين متواجدين من الساعة الحادية عشر صباحاً و حتى الحادية عشر مساء مهمتهم الدعم الفنى للشركة و مواقعنا و مواقع العملاء
و الدخول إلى قسم صوت الاعضاء لن يكلفنى سوى إضاعة الوقت
لاحظ حضرتك هذه المشاركة ..
السلام عليكم طلب صغير
لاحظ حضرتك كم الردود التى لا تتعلق بالموضوع وكم الإستظراف الزائد فى الردود
صديقى مستر شريف أنا مجرد مؤسس للموقع ولدى العديد من المواقع الأخرى التى أتابعها بالإضافة لعنايتى بأعمال أخرى ودخولى للموقع غير منتظم مثلى مثل أى عضو بالموقع
أما البريد الإلكترونى فهناك من يعتنى به يومياً ويتم تصفير عداد طلبات الدعم يومياً
اقتباس:
رد حضرتك بيوحي ان الناس اللي بيكتبوا مشاكل المنتدي
كأنهم شغالين بالاجرة هنا في المنتدي
و لا يهتم بهم أحد
و اذا رد عليهم مؤسس الموقع
فلا الاجابة تشفيو لا الكلام حل مشكلة
|
صديقى
لقد قمت بالرد فى الموضوع الأول و يبدو أن حضرتك لم تقرأه لتتهمنى بالتقصير
شاهد نص الرد على هذا الموضوع هنا
و قلت بالنص
اقتباس:
رجاء الإلتزام بالإختصار و الموضوعية فى طرح المشكلة و مناقشتها
و على كل حال تم إزالة القائمة المنسدلة لأنها تسبب بطئ فى أداء السيرفر بسبب توليد أكواد زائدة عن الحاجة
مع خالص التقدير
|
يعنى نحن نبحث عن المصلحة العامة
سرعة السيرفر أم كود الإنتقال السريع .. حضرتك قرر و إختار .. إيه اللى يفيد الموقع
اقتباس:
و الجميع يسخر هنا من كل واحد يدخل يكتب مشكلة
و يقولوا له ابقا قابلني لو حد رد عليك
|
كلامك مظبوط و المفروض اللوم يوجه للمشرفين
تخيل واحد بيقول أنا شايف ان المنتدى كويس .. المشرف بيرد عليه بيقوله بكرة تغيير رأيك
منتهى الإستهتار
فى النهاية أشكرك مستر شريف و أتمنى أن تكون وجهة نظرى وصلت لحضرتك
خالص التقدير
محمود