[wafa2y]

المشاركة الأصلية كتبت بواسطة خـــــوخـــــة

متشكرين جدا ليك يا أستاذ أسامة


وبجد بجد نورتنا جدااااااااااا




::::::::::::::::::



إنهاردة معانا ضيف جديد



معانا الأستاذ :















محمود operation



منورنا يا أستاذ محمود



::::::::



أسئلتي ليك :



أولا أوصف لنا علاقتك بربنا ؟
مش عارف السؤال ده ممكن يكون أصعبهم
عشان الوصف في الموضوع ده بيبقي غريب
بس بجد بجد أنا مقصر جدا
العلاقة دي مع رب كبير متعال
لازم يكون ليها أسمي معاني
بس الواحد مبيقدرش يوصل للنقطة اللي بيتمناها
لازم يحصله نقص
لازم يحصله فتور
لازم يقع
بس مع كل ده الواحد بيتعامل مع رب كريم
رب غفور
رب حليم
رب ستير
لو إنكشف الستر ده لا يبقي لنا إلا انا نمكث في بيوتنا
ننتظر الموت
فعشان كده الواحد بيحاول يتقرب
بيرجع تاني
و ولو بصغار الأعمال
و لو علي قد همته بس بيحس بفرحه ما بعدها فرحه
بجد ما أجمل التوبة و الرجوع إلي الله

ثانيا : إنت ملتحي ؟
إن شاء الله

ثالثا : نظرتك للنقاب والمنتقبات ؟
مش عايز حد لما يشوف نظرتي للنقاب
يقول أيوة ما إحنا بنسمع الكلام ده في التليفزيون
لأ بجد ده اللي انا بحس بيه
النقاب ده أغلي وسام
و أعف مقام
النقاب ده هو تاج كل مسلمه
هو حفظ لكل مسلمه
النقاب ده أكبر حائل لأشد فتنة
و أكرم تكريم لأغلي فتاة
التي تستحي من الله
التي تخشي الله
التي تريد ألا تفتن الناس
والله والله والله
أنا لما بشوف أخت لابسه النقاب والله والله
بحس إن أنا اللي طاير من الفرحة
أكتر من فرحتها هي بيه
النقاب عفه
و الفطرة السليمة ترغمك إنك تقول كده
أما المنقبات
فهن ملكات في نظري
بكبريائهم
و ثباتهم
ومواجهتهم للعصاه و اهل الباطل
هن مرابطات في سبيل الله في زمن الفتن
هن مجاهدات
هن الفائزات
و لكن كنظرة شخصية ليست أكثر
عشان محدش يقولي ده تشدد
أنا لا أري النقاب إلا إسدال أو ملحفة
مع تغطية العينين و الكفين
بجد الواحد بيشوف منقبات مش يخلوه يطير من الفرحه
لأ بيخلوه يبكي من قلبه دم
من لبس العبايات الضيقة
و وضع الكحل
و العبايات اللي بترتر
و في ناس سبحان الله
بيلبسوا زي أي بنت في الملابس بس في إضافه
لابسين نقاب كده زينه
دول بجد ربنا يهدلهم نفسهم
و أنا أعتقد إن مش ده النقاب اللي قرروا يلبسوه لأ
هما إبتدوا من غير ما العنين تبان
بعد كده لأ انا بتخنق
العنين تبان
بيبتدو بإسدال
بعد كده بيوقعني
العبايات تتلبس
كل ده من الفتور
الواحد في بداية الإلتزام بيبقي جواه شعلة نشاط بتقل
مع البعد عن ربنا
و غير كل ده التعاملات
أنا والله بشوف منقبات -بس معطمه لابسين بترت-
واقفين مع صبيان قدام المدرج
و أعدين في الجناين مع شباب
و تقف تتكلم مع ده
و تستفسر من ده
ربنا يهدي بنات المسلمين
لولا إن ده مش الوقت اللي نتكلم فيه عن السلبيات
مكنتش هسكت إنهارده خالص


رابعا : موقف ربنا نصرك فيه عمرك ما تنساه ؟

في مواقف بس بجد ما فيش حاجة حاضره دلوقتي
إن شاء الله لما أفتكره هقوله

خامسا : لو قلنا إنك مقصر ياترى بنسبة كام ف المية ؟

بنسبة كام في الميه دي ربنا يسترنا
بس اللي أقدر أقوله الواحد بيوقع و يكمل يوقع و يكمل
أهم حاجة ماييئسش من رحمة ربنا
هضرب لحضرتك مثال
دلوقتي الشيطان لما يجي لواحد مش ملتزم هيقوله:
"روح كلم دي إشرب السيجاره دي إسمع الأغنية دي"
لما يجي لواحد-يعد نفسه من الملتزمين-مش هيقوله كده
لأ
هيدخله من الدين
هيقوله يا مرأي يا منافق يا يا لأ
ربنا مش هيتقبل منك حاجة
ده إنت في الدرك الأسفل و هكذا
قال علي بن أبي طالب"ود الشيطان لو ظفر منكم بهذه"
اللي هي يغويك لحد ما تنتكس
لكن لأ
وقعت قوم إستغفر توب
أوقع قوم إستغفر توب
لحد لما الشيطان يكون هو اليائس
و حاجة كمان نفسي أقولها
في كتاب "إلي الهدي إئتنا"للشيخ يعقوب بيقول:
"إن الإنسان في مثل هذه الأوقات و التي تعتري كثيرا من المؤمنين جاء بنص الحديث((ما من عبد مؤمن إلا وله الذنب يعتاده الفينة بعد الفينة أو ذنب هو مقيم عليه لايفارقه حتي يفارق الدنيا)).صححه الشيخ الألباني.
الحديث ده ممكن يكون ناس فيكم أول مره تسمعوا
أنا عن نفسي أول مره أقرأه و انا بقرأ تاكتاب
بجد أنصح أي أخ أو أي أخت إن يكون عنده الكتاب ده
هو بيتكلم عن حالنا عموما اللي هو الإنتكاسه يعني
المهم الحديث ده أثر فيا
الواحد بشر و مش معصوم
الحديث ده من بابا الترغيب
و كل شخص حسسب قوة إيمانه بيسعي إن الفينة دي كل مره تزيد
لحد لما تبقي الفينة متجيش قبل مماته
طبعا حديث الذي فيما معناه((يأتي أقوام يوم القيامه بمثل جبال تهامه حسنات فيجعلها الله هبائا منثورا قالو صف هم لنا يا رسول الله هم أناس منك يصلون كما تصلون و يصومون كما تصومون و لهم نصيب من الليل ولكنهم إذا أختلوا بمحارم الله إنتهكوها))
فده الشق التاني و هو الترهيب
و لو خدتوا بالكم دول ناس كانوا بيقيموا الليل
مش الناس اللي بتقيم اليل علي المعاصي و الذنوب
و لكنهم جعلوا الله أهون الناظرين إليهم
اللهم لا تجعلنا منهم
بجد اللهم أحفظنا
و أغفر لنا ما كان منا

سادسا : موقفك من الأغاني والمسلسلات والهجص ده ؟

الحمد لله مابتفرجش علي أفلام
ولا مسلسلات
و مبسمعش أغاني
و بجد بجد ربنا يتوب علي شبابنا من الأغاني
حاجه أعوذو بالله عليها
الواحد بيتعذب و هو بينصحهم إنهم مايسمعوش
و في الأخر تطلع إنت اللي متشدد
و تطلع إنت اللي من كوكب تاني
وربنا يهدينا
طبعا لما الناس تقلها الكلام ده يقلك
ليه يابني عيش حياتك إنت لسه صغير
مينفعش اللي إنت فيه ده
سبحان الله اهل الباطل زعلانين و بيتألموا إنك مابتعصيش
و أهل الطاعة معندهمش نص الهمه دي إن هما يوصلوا المتعه و السعاده و الفرحه اللي الواحد بيحس بيها لما يتقرب لربنا بأي حاجة
بجد
"من ذاقها عرف السعادة ما تكون"


سابعا : أكتر طاعة بتتلذذ بيها وبتحبها ؟
بحب قرأة القرآن بتدبر جدا
والله بحس إني مش علي الأرض
كل كلمه و كل أية بتحسسك إن فعلا قد إيه القرآن ده عظيم
ولما تسمع مدي حب الصحابه والرسول صلي الله عليه وسلم لتلاوة القرآن
متستغربش و متتعجبش
ياااااااااااه الواحد بيحس إن هو مش مع الناس
و أنا أقصد القرآة اللي بتدبر
لكن القرآة السريعه و اللي مفهاش تدبر
واللي هي للأسف في أغلب الأحيان
الواحد مبيحسش بحاجة و بيزعل علي نفسه
بالمناسبه كان معانا في المعتكف 47 واحد ختمه القرآن في ركعة وتر واحده
تاني طاعه بحبها صنائع المعروف
بجد من أحسن الطاعات و أكثرها تقربا لله سبحانه و تعالي



::::::::::::::::::



ليا عودة بإذن الله

حضرتك تشرفي
و شكرا بس أنا بردوا مازلت أقل من إني أبقي في الماكن ده