علشان هو مولد سيدي لبنان زي ما قلت قبل كده
ولا صوت يعلو فوق صوت المعركة
وإنفتحت سبوبة التبرعات للشعب اللبناني اللي مستوى المعيشة عنده يفوق مستوى معيشة الشعب المصري بمراحل
والسبوبة يلزملها دعاية ومظاهرات لا يعلو على صوتها أي صوت
والشعب المصري محدش ها يجمع له تبرعات تعينه على الهجوم الأسعاري الحكومي
إنتهزها البعض فرصة
وكأن المشرحة ناقصة قتلى
وكأن مركب ال*** ناقصها ****
مش كفاية البنزين والسولار ومترو الأنفاق والميكروباص والقطارات ورسوم الطرق الصحراوية ... الخ
ولاد إمبارح إمبراطورات الميكروباص شركات القطاع الخاص اللي عملوا ميني باص بجنيه وسحبت الهيئة سياراتها المرمية بتصدي في الجراجات علشان خاطر عيونهم
لسه مفيش شهور على تشغيله إنتهزوها فرصة لأن محدش فتح بقه ورفعوا سعر التذكرة من جنيه إلى جنيه وبريزة بقدرة قادر
وياريت محدش يسالنى اشمعنى بريزة تحديدا