[BaNZeR]

المشاركة الأصلية كتبت بواسطة ymymym

قعد مثلا مع نفسه في يوم من الايام وقال مثلا انا النهارده روحت الكليه قابلت صحبتي النهارده وكنا كويسين مع بعض بس اتخانقنا مع بعض لاني اتعصبت عليها او مثلا انا قاعده مع صحبتي وفضلنا نتكلم ونضحك ونجيب في سيره صحبتي التانيه ؟
محدش عمل كده ؟
جايز محدش عمل الوقفه دي
لكن اكيد اكيد عملتوا حكايه النم والغيبه والخناقه او اشتداد الكلام ما بينكم
مش هصدق حد لو قالي لأ

طيب أنا بقولك لأ
هو الواحد لازم عشان يحكي مع واحد يا يتخانق يا ينم

ممكن اه بنتكلم عن واحد بس مش لازم بالسوء يعني
وبعدين احنا لما بنم بنم في الدكاترة بس
وده ميعتبرش نم

المشاركة الأصلية كتبت بواسطة ymymym

طبعا كلنا تقريبا عملنا كده

أكيد معظنا بنعلق على موضوع اللبس ده
ومش لبسنا برده

المشاركة الأصلية كتبت بواسطة ymymym

يبقي لأ معملوش. مره في مره لقيت صحبتي في الكليه بتقولي ياياسمين انتي شخصيتك اتغيرت للاحسن بجد وبتقولي بقيت هاديه (مش مصدقاها )دي الي هي صديقتي المقربه بتقولي كده
قلتلها كتر خيرك
بتجامل بتجامل انتي متعودتيش على كده

قالتلي حاجه واحده بس فيكي اللي اتغيرت للاحسن بس برضه مش قوي قالتلي انك عصبيه
قالتلي عصبيتك قلت عن السنه اللي فاتت واللي قبلها بكتيييييييير قوي بس برضه لسه فيكي عصبيه
ازاي هادية وعصبية
مش بقولك بتجامل

قالتلي لسه فيكي صفه تانيه مبتحبهاش اني وقت مبتغاظ بحب استفز اللي قدامي قوووووووووي بموت انا في الطريقه دي لغايه دلوقتي مش عارفه هي غلط ولا صح والله ما اعرف
اهي طريقة لتفريغ الغيظ
احسن من الخناق والشتيمة



عادي بس الاهم انك تصلح الغلط ده عشان الناس متكرهكش بجد
والله فعلا تخيلوا واللي يحس بمعاناتي دي المقربين ليا بس انا وصل بيا اني حطيت شخص عندي في البلاك ليست زي ما بيقولوا مع ان نادر لما احط شخص في البلاك ليست او اني اكره شخص
يعني انتي اللى بتتعصبي وانتي اللى بتحطي الشخص في البلاك لست
المسار الطبيعي للفقرة دي
اللى بيحس بالمعاناة دي المقربين ليا لدرجة حطوني في البلاك لست
دي فقرة أدبية مش تابعة للموضوع يعني


بجد عادي مافيهاش حاجه لما حد يساعدك علي انك تتخلص من غلط فيك طبعا افضل لما تفضل تعمل الغلط ده بالعكس انت هتبقي انسان احسن
انت تنقدني إذن أنت تحبني
أنت تجاملني إذن أنت أي حاجة بقى

انا رغيت كتير بس والله لاني بحبكم بجد وعامله علي مصلحتكم
مهو الرغي الكتير ده اللى بيجيب في سيرة الناس


حاولوا اقعدوا كل يوم بلاش كل يوم لو كتيره عليك كل اسبوع لانه مينفعش كل شهر هتكون الدنيا خربت
انا كل اسبوع عليا امتحان
حفضل افكر في غلطات الامتحان ولا في غلطاتي



عشان لما انا هتكلم علي بنت او ولد او اتريق عليها في مره ما بيني وما بين نفسي هي مش هتقدر ترد عليا تخيلي قمه الوحاشه قد ايه (مش لاقيه كلمه غير وحاشه جايه من وحش)انك تجيبي في سيره بنت وهي مش موجوده ومش قادره ترد عليكي عاوزه تتكلمي عليها اتكلمي قدامها طالما عاوزه تنتقديها
وطبعا مش هتقدري تتكلمي قدامها ماهو غلط اصلا يبقي السكوت افضل من الكلام
سبب تاني
انتي نفسك او انت نفسك مبتحبش حد يتكلم عليك باي كلمه مهما كانت صح ولا غلط حتي لو انت بتعمل الغلط ده
انت مش هتقبل علي نفسك
انا بصراحة بخاف برده اتكلم على حد من وراه عشان مبقاش بنم عليه
ولا عشان خايف منه ولا حاجة
النهاردة ريحت نفسي نفسياً
كنا اربعة وبقول لواحد
فلان الوحيد اللى لو حب يهزر حيفضل خنيق برده
هي مكنتش خنيق بس فيما معناها يعني
الكلمة دي كنت ببقى عايز اقولها كذا مرة في غيابه بس مش بقدر اقولها
النهاردة واجته بالكلمة وقلتله مع احترامي ليك طبعاً

جايز يكون كلامي ده بالنسبه لناس منكم ساذج او كلام اتقال كتير او مثلا ناس هتفكر كتير قوي منكم دي عاملالي ملاك فيها او معرفش ايه وايه بس يعني اهو حاولوا جايز نتغير احنا بلدنا من الاوحش للاحسن
في رعايه الله

اه على فكرة الكلام ساذج وبدائي جداً اساساً
والمفروض يودوه التنمية البشرية هناك


احم
نبدأ نعلق عالموضوع بجد بقى


بصراحة أنا أحييك عالخطوة الجريئة اللى اخدتيها
ومحاولتك لتغييرك للأحسن

واللى انا فعلاً لاحظتها برده في تغيير الصورة الرمزية
فبعد ما كان طفل مخنوق من نفسه بقى واحد بايع الدنيا


إنك تجسدي شخصية وهمية تمثل معاتبة النفس او الضمير
شيء جميل طبعاً
ولو إني مليش روح افضل اكلم في نفسي كتير


بس انا فعلاً مبحبش الناس اللى تفضل تتكلم عالناس وخلاص
دايماً اي شخص قريب مني بدايق منه لازم بواجهو
صحيح المواجهة متنفعش تبقى في كل الحالات
وباي طريقة
لإنها ممكن تيجي بنتيجة عكسية
بس لازم حتوصل عاجلاً او آجلاً


على فكرة مشكلة العصبية دي
لاحظت إنها بتتكرر كتير
ولما بيعملو سرد للآراء
بلاقي العصبية هي المشكلة المهيمنة عالمعظم

أحد اسبابها الانفعال والتسرع مش اكتر

فربنا يوفقك وتبطلي عصبية قريب ان شاء الله
العصبية مضرة بالصحة وبتجيب الضغط والسكر

حبطل عصبية .... من بعد العصرية
واييييه