اقتباس:
المشاركة الأصلية كتبت بواسطة خـــــوخـــــة
عايزة أسأل حضرتك عن الاشياء والاسباب اللي بتبعد الشباب عن الالتزام ؟
|
1-أكيد أول سبب هي الصحبه
بجد الصحبه دي لو كانت حلوه حياتك هتبقي كلها خير و سعاده
و لو كانت سوء هتضيع عليك الدنيا و الأخره
هحكيلكم موقف عن سوء الخاتمه كنت سمعت تقريبا من الشيخ خالد الراشد
"كان في أربع أشخاص إلتزم و احد فيهم
فلما إلتزم بعد عنهم و بقي بينصحهم كل فترة
فقالوا هو ليه يبقي كده
إحنا عايزين ننقذه من اللي هو فيه
و إشمعنا هو يبقي كده
قالولوا إحنا مسافرين بلد ما نشتري عربيه
فعايزينك معانا عشان تصلي بينا و تذكرنا بربنا في بلاد الغربه و تقولنا الجمع و القصر و هكذا
فوافق
و سافروا و لما وصلوا قالوا ما تيجي تنزل معانا نلف شوية قالهم لأ أنا هعد هنا أقرء قرآن
المهم نزلو راحو في ديسكو تقريبا أو حاجة زي كده
و كل اللي شاغلهم إزاي ينزلو صاحبهم
شافوا واحده صارخة الجمال قالولها لو عرفت تقضي اليوم معاه
هتاخدي اللي إنتي عايزاه
فوافقت
و خدت العنوان و راحت
فدخلت علي صاحبهم الملتزم
و أعد يمنعها إن هي تدخل و هي مصممه
فبعد ما أغرته ضعف و دخلت و شغلت أغاني و شربتوا خمره لحد لما زني بيها
تاني يوم أصحابه دخلين البيت عشان بقي يوفوا صاحبهم
بيخبطوا لقوها بتفتحلهم و تقولهم شوفوا صاحبكم مالوا
دخلو لقوه مات"
مات علي كبيرتين من الكبائر
و من مات علي شيء بعث عليه و لا حول ولا قوة إلا بالله
فهي الصحبه هي الأصل
2- تاني حاجة بجد و دي اللي واحد مش عارف يتخلص منها
هي كثرة المباحات
و ده اللي الواحد لو إتخلص منه هيرجع زي الأول
لكن كل حاجة تلاقي نفسك بتقولك
ما ده مش حرام
و كده لحد ما توقعك في الحرام
بجد ربنا يحفظك.
3- البعد عن مجالس العلم
"هم القوم لا يشقي جليسهم".
و بردو ما قولش أنا بتفرج في التليفزيون لأ
إنزل إحضر درس أو درسين في الأسبوع في المسجد
و ثبتهم
و بجد قلبك هيتغير
إنت ممكن يحصلك فتور بس بجد هتلاقي حلاوه ما بعدها حلاوه.
دول أهم 3 أسباب و في أسباب تانيه كتير
و أسف علي التأخير لأني مكنتش في بيتنا أصلا
إدعولي ربنا يوفقني