[pureheart]

انا مش قادرة أفهم سر كرهك للاهلى ايه ؟
يعنى طلعتنا بندفع رشاوى
و ان اللاعيبه سكة
و انهم لا يصلحوا للعب فى المنتخب
و ده بالرغم من كم الانتصارت اللى حققها الاهلى محلياً و دولياً
طب لو انت شايف ان الموضوع بالرشاوى ازاى بنكسب بطولة افريقيا و ازى طلعنا التالت فى كاس العالم للاندية ؟
و اللاعيبه اللى لعبوا فى الدورى الانجليزى عملوا ايه ؟
يعنى ميدو مستواه مش حلو ليه ؟ طب ساب الدورى الانجليزى ليه ؟
بالرغم من ان ابوتريكة مستواه و طريقة لاعبه فيها حرفنه
و لا انت مش بتتفرج على الماتشات
بص خرج نفسك من انك مشجع
للزمالك و بص للموضوع من بره
تقدر تقول ان لاعيبه الاهلى كلهم سكه
يعنى بركات و ابوتريكة مش حرفيين
بص بعيداً عن ان المشجعين بيحبوا يغيظوا بعض
اكيد الزمالك فيه لاعيبه حريفة و اكيد الاهلى بردة فيه
و مفيش حد فينا فرحان ان الزمالك مش بياخد بطولات و لا ان مستواه متذبذب
و فى نفس الوقت محدش يقدر ينكر ان الاهلى بيكسب بمجهوده مش بالرشاوى
يعنى ليه لما فريق يكسب نقول عليه بيرشى ؟
و فى حاجة كمان ان افهم انك تبقى متعصب فى تشجيع فريقك انما مش معنى كدة انك تنكر اى مجهود لفريق تانى و تقول انه بيكسب بالحكام
باين انك متعصب اوى فى تشجيع الزمالك ( باين من الاسم )
بس الموضوع مش خناقة احنا فى الاخر كلنا مصريين
و الفرق ديه بتلعب باسم مصر
يا ريت تكون فهمت قصدى