[BaNZeR]

بص يا أحمد

اولاً والله أعلم انا معرفش ميولك ايه

بس انا حاسس إنك عايز تدخل طب عشان ترضي والدتك ربنا يخليهالك وعشان تبقى مع اختك
أتمنى يكون ده مش كافي وتكون انت نفسك كمان هاوي كلية الطب


تاني حاجة سيبك من كلام الناس واللى بيتقال على كل كلية
اديني انا اهه واحد في هندسة او تقدر تقول في هلوسة
اخدت كمية احباطات في الكلية للصبح قبل ما ادخلها حتى
ودخلت واتهندست وبقيت انا اللى بحبط دلوقتي كمان

فالكلام ده حتلاقيه عادي جداً ومن اللى في الكلية نفسهم
امال دخلتوها ليه مادام بتقولو عليها وحشة ؟
اهه كلام

الكيميا مادة بجد اللى يستطعمها ويفهم بدايتها منين وبتتكلم عن ايه
حتلاقيها مادة جميلة جداً جداً
يعني الفيزيا اصعب منها ومحتاجة دماغ وكله
بس كيميا ثانوية عامة كان ليها طعم فعلاً
وخصوصاً استاذنا كانت دماغه عالية وبيحسسك بالكيميا كيميا

فانت شيل من دماغك إنها صعبة لأنها حلوة
متحاولش تحفظ المعادلات قد ما تفهمها
لإنك لو اعتمدت عالحفظ كتير في الكيميا ممكن تزهق

بس وربنا يوفقك