[الأستاذة هدى]

المشاركة الأصلية كتبت بواسطة مستر/جمال سراج

يعنى بعيد عن المهاترات والكلام اللى ملوش لازمة
الموضوع جميل وهادف جدا جدا
فعلا ابله هدى الخبرة تحترم باى حال وتقدر
واكيد اللى معندوش خبرة تصرفه يحتاج احيانا للتعديل وبكدا يكتسب خبرة
يعنى خبرة (غير مرغوبة او ليست صحيحة) تؤدى الى خبرة ( هادفة ومرغوبة)
دا حتى الناس تعرف التربية على انها خبرة تؤدى الى مزيد من الخبرة
المشكلة انه احيانا ودا الظاهر الوقتى انه كتير من الاجيال الصاعدة وحتى ولادنا الصغار اصبحوا لا يعيرون انتباها للنصيحة
ولا يقبلون تعديلا للسلوك من احد
طب ليه !!!!!!!!!!! دى مش أغنية شهيناز !!!!!!!!!!!!
اقصد ليه يعنى وفيها ايه اما نتعلم من بعض ونعدى الامور ببساطة - دا الاحترام يولد الاحترام ويبعد الحقد والضغينة
حوارك سيدتى فى منتهى الشياكة ودا مألوف عنك ويدل على خبرتك الممتازة

شكرا لزوق حضرتك بعض ما عندكم أستاذ جمال

تصرف زميلتك ذات الخبرة الدنيا يحتاج الى مراجعة منها

لكنها ترفض النصح فيما يبدو أن نعيمة تعتبر النصح إهانة واستفزاز وتصيد للأخطاء؟؟؟
مع أن القول الشائع يعقله العقلاء يقول :
رحم الله رجلاً أهدى إلى عيوبى .....
طيب لو إمرأة حاولت تهدى اليك عيوبك ؟؟؟ سيقول بعضهم :" هى من أهل النار !!!!!!!!!!!!"

ويجب عليها ان تعلم ان لكل مقام مقال او يجب ان تميز بين العمل اللى سنحاسب عليه جميعا بغض النظر عن العائد منه
الكل سيحاسب عن عمله طالما قبلناه بغض النظر عن بناخد كام وعقد مميز وعقد خمس نجوم
يجب ان نفرق بين احتاجاتنا وبين عملنا باى حال

سيبك انتى على رايك الخبرة خبرة!!!!!!!!!!!!!!
بس ليا تساؤل ممكن
ايه علاقة الطعمية والفراخ المشوية ( اقصد العلاقة بينها وبين الموضوع)
اكيد فيه علاقة !!!!!!!!!!!!
أكيد فيه علاقة ... يا مكرك يا مستر جمال
ماشى هأقول العلاقة عشان خاطرك
اللى بيشوف أى نصح موجه إليه على انه إهانة بيبقى متكبر يعنى نافش ريشه صح؟؟؟
اه صح وكمان بيبقى فاكر نفسه "فرخة بكشك " ودى أقوال تقال عمن يظنون أنفسهم فوق الناس وأنهم من الكبر والغرور بحيث لا يستمعون نصحاً ويسفهون ناصحهم .. فدرج شعبنا اللطيف أبو دم خفيف على السخرية من أمثال هؤلاء بهذه الصفات واللى كلها فراخ وديوك زى ما حضرتك شايف
طيب أنا هاكتب عنوان هاجيبه كما درج أو قريب منه فكتب هذا العنوان ويحتوى على الطعمية وهى صاحبة فضل علينا كلنا ويحتوى على الفراخ اللى بتنفش ريشها وبتفتكر نفسها فرخة بكشك .. فكان هذا العنوان


وهل التغير طردى ام عكسى!!!!!!!!!!!
هههههههههههه - دى حته كدا ترفيه
ترفيه مطلوب وف محله حيث أننى تعمدت أن تكون روح المقال خفيفة ولو أن موضوعها ثقيل عل شىء يخفف عن شىء

صحيح انا لحم كتافى من خير الطعمية - دى لها افضال عليا كتير - كبرت وترعرعت على أقراص الطعمية وتبرفنت برائحة الطعمية

تبرفنت طعمية كمان !!!!!!!!!!
وده برفان أصلى والا تقليد ؟؟؟؟؟؟؟؟؟

ما علينا من الفراخ دى - دى مواسم !!!!!!!!!!!!!!!!
بس بردوا ياريت نعرف وجهة نظر حضرتك!!!!!!!!!!

فعلا أستاذ جمال التربية خبرة والتعليم نقل خبرات
لكنا أصبحنا نواجه العجب العجاب عند نقل الخبرات للأحدث والأقل خبرة !!!!
يبدو أنها أصبحت معضلة أن توجه أنسان نحو تصحيح خطأ معين تراه لديه لأنه سيعتبره تصيد للأخطاء وفلسفة وربما يذهب به الكبر والغرور لإعتبار النصح سخرية واستهانة !!!!!

نورت الموضوع أستاذى جمال سراج بارك الله فيك ...

وهنا يبدو لى سؤال آخر غير تقييم نعيمة !!!!!
هل علينا حتى لا نوضع موضع شك ألا نتكلم؟؟؟
هل علينا أن نرى الخطأ ونسكت حتى لا نتهم؟؟؟؟
أسئلة مازالت بحاجة لردودكم جميعا أيها الزملاء الأفاضل ...