[Golden Eagle]

بعد إذنك يا دكتور سيبيلي الرد دا

المشاركة الأصلية كتبت بواسطة زملكاوى للأبد

دى حاجه تلقائيه كده
هههههههههههه
أكيد
و مش عايز أعدد الاسباب عندك من واحد لسته

مش أنا اللى طلعتكوا هى دى الحقيقه
حقيقة إيه يا حمادة ؟؟؟
الدليل إستنتاجات من دماغ أي بني آدم
إتعلم حاجة من مورتي
يقول معايا سي دي يعني معاه سي دي


هو انتوا كنتوا بتلاعبوا مين فى بطولة إفريقيا و لا فى كاس العالم للأنديه الماتشات اللى انتوا لعبتوها دى مش محتاجه رشاوى دا لو كنا جبنا إنبى و لا حرس الحدود بدل الأهلى كان طلع الأول مش التالت و الدليل الماتشات لما الأهلى خاد بطولة إفريقيا و كان البطل يصعب عليه إنه يغلب فريق معاه فى المجموعه و هو الزمالك طبعا تقدرى تفسرى ليه الأهلى معرفش يغلب الزمالك مع إن الكل كان بيقول إن الزمالك مستواه سىء للغايه و لما الأهلى راح بطولة إفريقيا السنه اللى فاتت عمل إيه أوعى تقولى إتغلب من فريق لا يذكر اسمه
لا فكرني بإسمه لأني بافتكر الماتشات مستقلة مش ماتش كذا بتاع بطولة إفريقيا
إنتا بتجيب الثقة دي منين ؟؟؟
يا إبني إنت بتتكلم عن اول الدوري اللي فريقك فيه سادس أو أكتر

فاكر ماتش الأهلي و الزمالك ( أحسن ماتش لعبة الزمالك ف تاريخه ) بتاع 4 / 3 ؟؟؟
أنا فاكر كان ف الكاس أعتقد علشان بعد التعادل كان وقت إضافي
ف الوقت الإضافي خلص الماتش
لييييييييييييييه ؟؟؟
ظهر فرق اللياقة بشكل كبير جدا ً بين الأهلي و الزمالك
دول لاعيبة الاهلي لما كانوا فايقين و مستريحين

عملوا كتير طبعا يعنى بالنسبه لعمرو زكى عمل إيه مع المنتخب فى بطولة إفريقيا و عمل إيه مع الزمالك فى كاس مصر طبعا جاب كمية أهداف كبيره و بالنسبه لميدو صنع كام هدف و جاب هدف التعادل مع الجونه و لسه كمان هيجيبوا أجوال فى الأهلى هما لسه لعبوا حاجه غير 5-6 ماتشات
5 - 6 ماتشات مع إنبي و المقاولين و بتروجيت و الجونة و مين تاني ؟؟؟
المنصورة يمكن ؟؟؟
و نادي تبع إسكندرية يا الاتحاد يا المصري صح كدا ؟؟؟
الفرقة الجامدة فيهم بتروجيت خسرتوا منها
الاهلي لعب مع الحرس و مع الطلائع و مع المصري أعتقد ( حاجة تبع إسكندرية برضو ) و المنصورة و حاجات تاني كدا
أسوأ النتايج تعادل 1 - 1
مع الحرس و المصري
علما بأن الحرس كان نجمه كاميني و غياب مهاجم صريح جاهز للأهلي
و المصري بقي حدث ولا حرج
الطرد
و التمثيل من شديد
يعني تخيل 9 لاعيبة = 10 لاعيبة



نسيوا يرشوا الحكم ساعتها ؟؟؟

مين قال إن ميدو مستواه وحش
إيه ؟؟؟ طيب
ميدو ينفع للمنتخب ؟؟؟ بأمارة إيه ؟؟؟
إنه جاب جول للزمالك ؟؟؟
أنا أهلاوي و بقولك عماد ما ينفعش
لكن ميدو ينفع ؟؟؟
دا غير المشاكل اللي بيعملها و إحنا مش طالبين خالص ف الماتش دا
و حتى لو حد قال هو لعب كام ماتش يعنى علشان نحكم عليه دول 6 ماتشات بالكتير و ساب الدورى الانجليزى حبا فى نادى الزمالك
أمممم
إطربني
مش جريا وراء الفلوس زى ناس
الحضري ؟؟؟
هو النادي سابه ؟؟؟
رفع القضيه و هياخد حقه منه ما تخافش


و انا عايزك تخرجى نفسك ( قصدك تخرج نفسك ) من انك مشجعه ( مشجع ) أحرف أبو تريكه ولا شيكابالا ....من غير ما تقولى شيكابالا طبعا
؟؟؟
إنت من هنا يا أخينا ؟؟؟
أنا هاسألك معني كلمة أحرف إيه ؟؟؟
ينطط الكورة و يلم الملعب 15 - 16 مرة يعني ؟؟؟
مهارة فردية ؟؟؟
المهارة الفردية مطلوبة لما يكون اللعب الجماعي مش نافع
لكن شيكابالا عمل إيه للمنتخب ؟؟؟
أو للزمالك ؟؟؟
إفتكر إبراهيم سعيد
ممتاز
بس أخلاقه ودته أهلي بني غازي باين
و لو كان أبو تريكه و بركات حرفيين زى ما بتقولى ليه مشوفناهومش فى دوريات أوروبيه
و هو شيكا ما كملش ليه ف دوري أوروبي ؟؟؟
أنا ما أعرفش راح ولا لأ لكن ما كملش ليه ؟؟؟
حبا ً ف نادي الزمالك برضو ؟؟؟
غير إن وقت الكلام دا فات دلوقتي
أبو تريكة و بركات و حسن معاهم
خلاص آخرهم كأس العالم لما نوصله بإذن الله و باي باي
عايزة يحترف برا إزاي و هو كبير ف السن بالنسبة لغيرة ؟؟؟
غير إن جمال حمزة إحترف برا أهو
عمل إيه ؟؟؟
آخر حاجة سمعتها إنه لعب ماتش و إتطرد منه
و المدرب قال عنه لا يجيد سوي الركض ( زي متعب كدا )

هيهات انتى ( إنت ) بتقارنى لاعيبة نادى الزمالك أغلى لاعيبه فى مصر حاليا بلاعيبة الأهلى لا تعليق
طبعا ً لا تعليق
لاعيبة الاهلي اللي محتكرة الدوري و واصلة كأس عالم أندية و هي اللي موقفة المنتخب ع حيلة عايز تقارنهم بتوتي و موتي و سوسي و كوتي
يا ابني اللاعب المطلوب هو الراجل
حتي لو ع قده ف المهارة بس المهم يكون راجل
يحارب ع الكورة
يموت نفسه ف الماتش
علشان لو خسر أولا ً يبقي ما قصرش
ثانيا ً ما حدش يقول عليه حاجة
أقولك زي عمرو زكي كدا ( مش بقول إنه ع قده ف المهارة بقول إنه راجل )
أنا فاكر ماتش إتعادله الزمالك مش فاكر مع مين ف الدوري دا
بس عمرو كان ف كل حته
و بالتالي الناس قالت دا بيعمل اللي عليه
قصدك على مين الأهلويه دا دول أول ناس فرحانه علشان يروقلهم الجو
يا عم بس شيدوا حيلكوا و مالكوش دعوة
و بعدين إنت دخلت ف نفس كل مشجع أهلاوي و شفت ؟؟؟
دا إنت مقتدر ع كدا

أنا أنكر و أى واحد مع الحق ينكر إن الأهلى بيكسب بمجهوده
مع الحق يعني ف صفك صح ؟؟؟
طيب الاهلي بيكسب بالحكام
بالنسبة للمنتخب اللي قوامه أهلي بيكسب بإيه ؟؟؟
عبقرية شحاته لوحدها مش كفاية
نقول عيه بيرشى لأنه فعلا بيرشى علشان احنا مبنجبش كلام من عندنا دى الحقيقه
لا بتجيبوا كلام من عندكم
و ما تقوليش إستنتاج
عندك سي دي هات ما عندكش خلاص

لو فيه مجهود مش هنكره و الدليل إن أى فريق بيغلب الزمالك بقول الغلط من الزمالك مش بقول الحكم إلا إذا كان عمل حاجه غلط و لما الأهلى بيلعب فى الدورى أو الكاس بيلعب باسم الأهلى و لذلك ببقى أكتر واحد فرحان لما بيتغلب حاجه تلقائيه كده

لا هاتنكرة لأنه م الأهلي
و لأن الواحد ساعات بيكذب الكذبة و يصدقها هو ف الآخر


شكرا ً يا دكتور إنك سبتيلي الرد