بصي يا اخت ايه انا هقول رأي وانتي احكمي بنفسك


بصي اهم حاجا التربية للبنت والولد وانا هقولك انا يستحيل اكلم بنت واهلها مش يعرفوا ولو زمالة الحمد لله تقريبا انا اهلي في البيت يعرفوا بكلم مين ، وأكيد اني لما بكلم بنت اهلها في البيت بيبأوا عارفين انها بتكلم كزا ومن كزا والعلاقة هي اخوة

انا منكرش ان كان عندي ايميلات بنات كتيرة بس والله مسحت منهم 500 او 600 وسبت 10 فقط اللي هما بجد بعتبرهم اخواتي

والحمد لله معظمهم اكبر مني سنا بكتير بفرق خمس ست سنين ومنهم المخطوب

والحمد لله انا طول ما انا قاعد نت بذكر ربنا وبقوم اصلي وساعات انزل اصلي في الجامع فمش عشان انا بكلم بنت يبأى كفرت " ازاي معرفش"


واستغفر الله العظيم انا هقول كلمة كل شيخ بيفسر آيات القرأن على هواه ( مش كلهم)

طيب ما انا ممكن اقلبك الموضوع هزار مش هتريأ على حديث اشرف الخلق لان الرسول كل كلامه صدق والحديث دا سنده قوي جدا

بس انتي بتقولي ايه حددي صح

(ما خلا رجل بامرأة إلا كان الشيطان ثالثهما)

أظن انا الشيطان هيفتح ايميل الياهو بتاعه او الهوتميل ويكون التالت بتاعنا

الخلوة جسد وجسد يا أخت افهمي الحديث صح اما انتي ع النت بتتكلمي بايه بعقل وايد

مش بتوصل لكاميرات وصوت ودي انا مش طلبتها او اني اعرف رقم تليفون او عنوان بيت لا

وهقول كلمة أخيرة انا بكلم بنات اه هتمسح ايميلات هقولك لأ

ليه يا محمد؟؟؟ لاني الحمد لله بحب الاخوة في الله ولو ولد وبنت وبكرة داخل كليتي هشوف وهقابل اشكال والوان بس هقتنع بمين اخت ومين هتكون صديقة ومين هتكون حبيبة ثم شريكة مستقبل

انتم بتحسبوها بمبدأ غريب سوري يعني

انا عن نفسي ربنا يعلم اني بكلم واول اساس الاخوة واللي مش ارضاة لاختي الحقيقية مش ارضاه لاي بنت

طيب انتي ممكن تسأليني سؤال محرج قوي ؟؟

محمد انتا ترضاها لأختك شقيقتك؟؟

الاجابة آآآه وموافق بس انه يكون اللي بيعامل اختي بيعاملها زي ما انا بعامل اي بنت كلمتها او بكلمها

وكلمة اخيرة اانا الحمد لله عارف ربي كويس مش هقول عارف الحلال والحرام ( حاشا لله)

بس انا مش بتعدى حدودي مع ولد او بنت وانا مقتنع برأيي

انتي يا اختاه عاوزه تمسحي امسحي غيرك عاوز يمسح يمسح

اما انا حر وانا اللي هتحاسب والحمد لله العمل بالنيه وانا لا بلهو ولا قصدي اني اشبع شهوة طيب ما انا قدامي البنات في الشارع وفي النادي مثلا في الدروس ايام ما كنت ثانوية وكان بامكاني اكلم بنات مش ايميلات بل وجه لوجه

وهقولك كلمة اخيرة مش كل الشباب زي بعض ولا كله صوابع ايدك زي بعضها

انا راجل كنت ادمن في شتات كتيرة بس انا ليا اكتر من 3 شهور مش بدخل شاتينج اصلا

بكلم صحابي ع الايميل

ولو في بنات اخواتي لا اكتر ولا اقل

ووالله البنت اللي بتطلب مني اني امسح ايميلها او انها مش عادت بتكلم اولاد تاني بحترمها برضو وبمسح ايميلها واحقق ليها رغبتها

واللي بيحس انه بيخون ثقة اهله يعمل كل موضوعك

بس ياريت بس نصيحة لاي بنت بتكلم اولاد او ولد واحد ولو اخ تعرف اهلها بجد واهم حاجا انها تكون عارفه ان ربنا مطلع عليها في كل كلامها وبرضو الشاب يعرف ان ربنا مطلع عليه في كل كلمة هو بيقولها

ومعلش طولت في ردي بس دا كل كلامي كل واحد حر وكل واحد هو اللي هيتحاسب وانا مش هقولك جيبي فتوه او آيه ليا لاني الحمد لله مقتنع بكلامي جدا جدا

طالما ان التربية دينية والعلاقة بربنا الحمد لله كويسة مش هعصي ربنا في حاجا زي دي وهقولك يا اخت

انا لو اعرف اني كدا بعصي ربنا كنت بطلت ادخل نت من اساسه وانا قللت حديث الميلات قوي اه ببأى فتحه بس مش بكلم الا ناس معينة


وشكرا ليكي

سلام عليكم

اه ونسيت اقولك يا اخت :D

فيه بنات بكلمها عارف اخوتها معرفة شخصية جدا وبتصل باخوها اوكى يلا قولي رأيك في كلامي