[** ضي القمر **]

المشاركة الأصلية كتبت بواسطة Rymonda

شويه تفاصيل بقى

والله ياجماعه كان في نيتي احضر المحاضره بس هما اللي غووني .. (هي بتتكتب ازاي ؟)
وصاحبتي اللي كانت معايا شجعتني ع الفساد .. بلا محاضره بلا بتاع ..
ومخرجناش من المدرج غير لما الدكتور دخل .. ومنظرنا كان فل موووووت .. احم
الراجل بتاع التاكسي بقى .. هو انتو مستعجلين ولا نلف ..
نلف ايه يا عم الحج .. ودينا من الطريق القصير ..
فلما شيماء اتصلت .. بقوللها هو انتو طلبتوا ايه ؟؟
قالتلي تعالي وانتي تشوفي ..
الراجل بيقول خلاص هدخل من هنا عشان تلحقوا الاكل ..
(احم .. ولا اكني سمعت حاجه )

ههههههههههههههه
طيب انتى بيقولك كده
احنا السواق راسه والف سيق نجرب سويت بسام
ياابن الحلال عايزين نروح مطعم كذا
يقولنا جربو سويت بسام ده القعدة فيه حلوة
ياابنى مش عايزين
والله ده حلو احلى من المكان اللى انتو رايحينه
كان هيجبلى شلل وربنا
المهم اقتنع وراح على المطعم
وهو فى الطريق بقى
قعد يكلمنا على علا غانم
قد ايه تمثيلها دلوقتى مش حلو
ياابنى اخرس
وده مفيش فايده
سبناه يشتغل نفسه واحنا قعدنا نتكلم مع نفسنا
نزلنا .. ودخلنا عليهم لقيناهم بيطفحوا .. احم بياكلوا بياكلوا ..
قعدنا نرغي بقى.. وجبنا سيرة الخلق كلهم ..
وطلبت مع شيماء تكلم شيرين .. وهي اساسا معاها دقيقه واحده.. وانا الصراحه موبايلي فصل شحن ..
وكويس انه فصل ..
كلمنا شيرين .. وغيظناها شويه .. وقولتلها هصورلك الاكل ..
وقالتلي مروه بتسلم عليكي ..
ما تيجوا .. قولتلها وماله .. ما تيجوا انتو ..
خدي شيماء معاكي .. البت لسه منطقتش قام الرصيد كاسفها .. (سوري ع الاحراج يا حبي
)

ــ هكمل اهو ــ

مهو انتى لو مكنتيش رغاية ياقلبى كان زمان عرفت اكلمها
منك لله ياحبى

المشاركة الأصلية كتبت بواسطة Rymonda

ههههههههههههههههههههههههههه
لا دي مفاجأة الحفله ..

هدبحك وهبيع عضمك
اخرسى احسن يابيبى

المهم يا جماعه ..
كنت معلقه شنطتي في الكرسي ومشيله شيماء البالطو ..هي اللي علقتلي الشنطه بصراحه ..
فكل شويه الويتر يعدي ويخبط في الشنطه .. ويقوللي اسف ..
قالولي على فكره الواد ده ــــــــــــــــــ
بلاش بلاش .. بتكسف انا ..
قال اسف قال ..
حجج فارغه ..

ههههههههههههه
يابت مش هتلاقيهم بعد كده
مبتسمعيش الكلام انتى

صورنا الاكل على فكره ..
.. الصور جايه في الطريق..
ربنا يسهللك ياللي في بالي ..
احم احم
مين اللى فى بالك؟؟

وكنت انا عامله تجربه في سيكشن الكيميا ومغسلتش ايدي ومليانه مركبات وبتاع ..
اقوللهم لو اكلت هموووت ..
حاولت بقدر الامكان مستخدمش ايدي ..
احم .. اهي عدت وملمستش الاكل بايدي .. والا كنت ضعت ..
هههههههههه
ميرو معايا الدليل انك مستخدمتيش ايدك

المهم .. اننا قعدنا كتير جدا وناس تيجي وناس تمشي
لدرجة ان الراجل كان هيقوللنا انتو بايتين هنا ؟
وراح جاب الفاتوره ..
دفعنا بقى بالبركه متحاسبناش حتى
وقومنا ..
قولتلهم الراجل عاوز يقولنا كفاره ..
ههههههههههه
وروحنا نتمشى ونتصور بقى

ــــ استنوا الباقي ـــ
(تفاصيل التفاصيل اهو )

كمل ياباشا ولو احتجتنى رنلى وهجيلك