[:: [ K A B B O W ] ::]

المشاركة الأصلية كتبت بواسطة خـــــوخـــــة

ونقول عدناااااااااااااااااااا


::::::::::::::



* أمل الامة الشباب *


يا ترى الشباب ممكن يعمل ايه ؟


ونسبة الأمل اللي موجودة ف الشباب كام ف المية ؟


وكمان حال الشباب اليوم ماهو ؟ ولماذا ؟

أولا اسف على التأخير فى الرد

بس كنت كل ما أدخل الاقى السؤال ده

و بصراحة كنت خايف اجاوبه

يعنى من الصعب جدا انك تحكم على مجموعه انت جزء منها

زى ما بيقولوا هتبقى شهادتك مجروحة بس هتكلم و أمرى لله

بالنسبة لسؤالك الأول فاعتقد ان السؤال ده صيغته الصحيحة هى

يا ترى الشباب ميقدرش يعمل ايه ؟

لان الشباب هو روح اى امة و هم السبب فى ان تكون هذه الأمة قائدة عزيزة

أو ان تكون هاوية ضعيفة

فالشباب هم كل شىء و بيدهم حياة هذه الأمة

اما بالنسبة للسؤال الثانى

فنسبة الأمل الموجود فى شباب الأمة كبيييرة جدا

مش هنكر ان فى نسبة من الشباب منحرفين و .. و ..

بس فى المقابل فى نسبة كبيرة جدا صالحة مهتمين بالعلم

و شايلين هم الأمة و مستعدين يضحوا بحياتهم علشان تبقى الأمة دى

الثالث

فزى ما قلت فى السؤال اللى فات ان فى نسبة طيبة و نسبة تريد الأصلاح

و لو حكمنا على الشباب عامة او اخذنا متوسط لهم او العام لهم

فنجدهم يتطبق عليهم قوله تعالى

"وآخرون اعترفوا بذنوبهم خلطوا عملا صالحا وآخر سيئا عسى الله أن يتوب عليهم إن الله غفور رحيم"

نسأل الله ان يتوب علينا جميعا

لكن فى مجموعة اسباب فى هذه النسبة المنحرفة من شباب الأمة منها

1- عدم وجود القدوة و محولة الاعلام وضع قدوات تافهه كالمغنيين و الممثلين و تهميش دور الأشخاص الذين يمكن ان يكونوا قدوات حقيقية

2- الأعلام الفاسد

3- عدم فهم طريقة تفكير للشباب من ناحية الدعاة مما يسبب توجية الدعوة بطريقة خاطئة لهم فلا يستمعوا اليها و يبقى الحال على ما هو عليه

4- الفراغ

5- عدم أعطاء الثقة لهذا الجيل و أشعاره دائما انه لا يمكنه ان يحقق اى نصر او عزة للأمة

أعتقد ان دى من اهم الاسباب

شكرا ليكى يا اخت خوخة على الموضوع الرائع جعله الله فى ميزان حسناتك

فى رعاية الله و حفظه