[الأستاذة ام فيصل]

المشاركة الأصلية كتبت بواسطة بحبك تانى

حبيت قبلك كتير
وانتى اللى حبيتك
وعشقت أكون
سهران ليلاتى
ويا النجوم
عايش حياتى
وحلمت بيكى
ودوبت فيكى
واشتقت ليكى
وأخدت من كل الليالى ثوانى
بتمر زى النار بتكوى قلب حب
بتمر زى الريح بتخلع قلبى خلع
وتسيل دموعى
بتمر زى الهم جاثم
بتمر زى الخوف وحوش
بتمر زى انتظار الموت ف بحر مالوش قرار
بتمر زى هروب كبير مالهوشى حل غير الفرار
وحلمت انى ف السفينه
والموج بيعلى وبين ايديكى السحر يسحر كل خوف
والقى بقربك ما فى خوف
والقى بحنانك كل القساوة تروح
وافضل أشق ليل الوجع بكلمة بتقولها شفايفك
والحروف فى عز حر السكة تلج
الحروف حبال وطالعه فى السما
والسما مليانه غيم
والسما مليانه رعد
والف وعد ألتقيه جوه عيونك
من غير نفاذ
مكتوم ياصوتى لما بازعق
محتاج لكى
محتاج نجاه
محتاج حياه
محتاج مساعده
والدنيا قاعده تهدنى
الدنيا قاعده فوق جبال خوفى
وماسكه الصولجان
وانا كل خوفى عليكى
وافضل ف بير
أبعد كتير
ياللى حبيتك
حبيت قبلك كتير
وانت اللى حبيتك
الشاعر الغائب محمد على

استاذنا الغائب الحاضر محمد علي
ديما رائع ومبدع
أبعد كتير
ياللى حبيتك
حبيت قبلك كتير
وانت اللى حبيتك
ده فلسفة بالحب
>سلمت يمناك

ودمت ودام ابداعك