طيب المواضيع التانية اتنقلت كالعادة
فححط ردي تاني في الموضوع الوحيد الذي تبقى
انا مش مدايقني من الحكاية دي غير حاجة واحدة
لما المنتدى - اللى انا تفانيت فيه والميت بمعظم احداثه الاخيرة واللى كونت فيه صداقات - ينهار
ابدأ في منتدى تاني من الصفر ازاي 
بجد انا زعلان جداً على اللى بيحصل هنا
تعالو نتكلم بقى شوية جد في الموضوع
استاذ محمد سرور يمكن كان حاد الاسلوب قليلاً
او كثيراً مش مشكلة
بس رده ميعتبرش مبالغ فيه بالنسبة للإعلان اللى كان محطوط
وصاحب الإعلان - اللورد - يمكن بالغ شوية برده في الاسلوب وفي الطريقة
ومع ذلك بعد سماع وجهة نظره انا شايف إنه كان اسرع حل قدامه في الوقت الحالي وانسبهم
المهم
ده كله ممكن نسميه سوء تفاهم او تعارض وجهات نظر
والمفروض السير ميمشيش على هذا المنوال
حيث أني أرى أن وقف الاستاذ محمد سرور او ازالة منصبه
هو لخلاف شخصي وليس لمصلحة المنتدى
والخلاف الشخصي يمكن حله بطريقة شخصية
ولا يجوز جعل ذلك يؤثر على المنتدى
وإذا كان يهم الأدمن الخلاف الشخصي قبل المنتدى
إذن فلنهتم نحن برضا الادمن ولنهمل المنتدى
او ممكن نسيبه خالص مش مشكلة
انا بقعد اسمع تاريخ المنتدى زمان قبل ما ادخله
بجد بحزن إني مكنتش معاهم في الأيام الجميلة دي
حيحصل ايه لو فتحنا صفحة جديدة
ازاي منتدى لحد دلوقتي مفهوش مدير !
ده على اعتبار إنه الأدمن - كما قال - المؤسس وليس المدير
فين الاهتمام بالطلبات
كفاية الاستايل اللى الناس اتبرعت تعمله وبرده محدش عبرهم
مش حنخوض برده في الحكاية دي
الاساتذة الأفاضل القدامى
مؤسسي هذا الصرح العتيق
أكيد مكانوش بيشتغلو فيه عشان فلوس
واكيد بعد النجاح اللى حققوه للمنتدى مفيش مجال نقول عليهم مكانوش في صالح المنتدى
إذا التفسير الوحيد للموضوع إنه مجرد خلاف شخصي بين المؤسس وهؤلاء #!
أتمنى حقاً من كل قلبي
أن تعود المياه إلى مجاريها
أتمنى أن ينتعش المنتدى كما كان
وصدقني يا أستاذ محمود سرحان
المنتدى كده مش بيتقدم أبداً
وشعبيته بتقل يوماً بعد يوم