[مستر/ عصام الجاويش]

المشاركة الأصلية كتبت بواسطة usernamo

اناجاتلى الفكرة دى و انا بتفرج على مواضيع القسم ليه كلنا منعملش مناقشة لحزب طلاب المنتدى ^^ عشان نقفل ال 50 الطالب اكتر واحد بيحل مش المدرس يعنى هنفيد بعض و نخفف شوية على المدرسين عشان يبدعوا فى حاجات تانية و بما انى بيقولوا يعنى شاطر شوية فى الانجليزى فهبتدى انا مع ان شفت عبقرة ( طلاب ) احسن منى مليون مرة بس محدش بيعمل حاجة عمتاً انا هقول حبة كلمات و سؤالين

الكلمات ** تا تا تااا**
بمناسبة الانفلونزا اللى بتاكل فى اهالينا :

انفلونزا الخنازير Swine Flu
وباء Epedemic
معدى Infectious
مصل Antivenom
بدنى Physical
مجلس Council
مقاومة Resistance
تعايش Co-existence
مصير Destiney
خسائر بشرية Causalities

الجرامر **دن دن ددااا**
اشكل المستقبل بطريقة سهلة : كلنا عارفين الدرس بيلخبط شوية بس انا هسهله خالص بصوا ...,,,

التعبير ب Will يكون كده :

لما مثلاً اختك هتولد السنة دى فتبقى حقيقة فى المستقبل فنقول My Sister Will Put Her Baby Next Month
لما حضرتك تقول مصر هتكسب الجزائر ان شاء الله هنقول (و ده ممكن يحصل و ممكن لا ) Egypt Will Victor Algeria و دى بتسمى تنبؤات.
لما تليفون بيتكم يرن هترد عليه اكيد و بكده هتكون اخدت رار مفاجئ انك هترد ( يبنى مهو التليفون رن فجأة ) هتقول The Phone is Ringing ,i will answer It
لما حضرتك تطلب او تعمل عرض و دى مش محتاجة توضيح ^^
لما حضرتك تعمل كارثة ترمى اخوك لصغير من البلكونة مثلاً ابوك مش هيبوسك هياعقبك و هيقولك If u Throw ur younger Brother again I will Throw u ^^
صح ولا انا غلطان ....

اما اشكال Going to :

لما السادات نوى ان يحارب اسرائيل قال iam going to Fight Israel و دى تعبر عن الخطط و النوايا و الترتيبات

اما الشكل التانى و الاخير و هو لما حضرتك تقول فيلم اندرينالين هينزل يوم 28 عشان القناة التانية قالت كده يعنى حاجة هتحصل و بدليل كمان يعنى بمعنى اصح
Andrenallin Is Going to Be in Cenimas , i saw it in channel 2 ^^

و دى كانت اشكل Will,Going to

الباقى فى مرة تانيىة بقى و ياريت ناس تانية تحط اللى هيا عارفاه وممكن توصلهولنا و دول يبقول طلاب بس ^^

و ادى ترجمة من عندى ترجموها :

"" يجب علينا اتخاذ الاحتيطات الازمة لمواجهتة الاوبئة المعدية مثل انفلونزا الخنازير و جنون البقر و يسعى العلماء بكل جهد فى كل انحاء العالم ان يجدوا مصل مضاد لهذه الاوئة حتى لا تنتشر اسرع و يمكن السيطرة عليها ""

يلا يا حبيبى الحلوين ^^ على فكرة انا طالب فى الصف الثانى الثانوى ^^

اعضاء الحزب الان :

USERNAMO

angle girl

Mohammed Saber


mero_mrmr

ابو جاب الله

karem20055002

ياريت نكتر يا مسهل و ده جرب الفيس بوك للمجموعة لمن يريد الانضمام

http://www.facebook.com/group.php?gid=176398771086


اعضاء الحزب : هم من يضعون ما يفيد الطلاب و يسهلها عليهم ^^

سيتم عمل احزاب فى كل المواد اعزائى لما نكتر متنسوش بس اهم حاجة النشاط

طبعا الطالب المجتهد نحن نشجعه تماما
لكن شرح الدروس هذا من اختصاص المدرسين وكذلك الاجابه على الاسئله لان معلومات الطالب فى اللغه مهما كان مستواه ينقصها الكثير فاحترام التخصص فى كل مجال من سمات الانسان الواعى
ولازم الطالب ياخد باله ان المعلومه لازم تكون موثقه ولازم الـ spelling يكون صح
ناخد مثال من المكتوب فى الموضوع ونشوف صح ام لا
خسائر بشرية Causalities
وطبعا ده غلط الصح اهو
خسائر بشرية Casualties
وطبعا انا ساراجع المكتوب حتى لايدخل احد المنتدى وياخذ معلومه غير صحيحه واكيد انتوا عارفين منتدى بوابه الثانويه العامه له سمعه ممتازه فى خدمه الطلاب والمدرسين
يعنى الموضوع ده هنعتبره موضوع دردشه بين الطلاب _ولكن بحدود ايضا_ وليس مصدر للمعلومات الموثقه
مع خالص تمنياتى بالنجاح وعلى فكره الموضوع المثبت له مواصفات وهو ان يشمل المنهج كله او يكون على شكل استفسار من الطلاب واجابات من المدرسين وتحت اشراف المشرفين كلهم وموافقه الاداره يعنى مشاركاتكم الدائمه تجعل الموضوع موجود فى الصفحه الاولى دائما وان كان لديكم اسئله فى المنهج هناك موضوع مثبت تضعون اسئلتكم ويدخل المدرسين يجاوبون عليها والله ولى التوفيق