اقتباس:
المشاركة الأصلية كتبت بواسطة هارى12345
بصى يا موووون اولا مذاكرة النصوص الطريقة دى كنت ماشى بيها من اول السنة بس لما لقيت نفسى متأخر معملتهاش بس ان شاء الله هرجعلها تانى وهى طريقة جميلة جداااااااا ومملة خااااااااالص
1- افتحى الملخصات بيتاعة العربى قدامك +كتاب المدرسة(طبعا ما فيهوش حاجة) بس ممكن تلاقى حاجة كدة او كدة بالزات كراسة التدريبات وبعدين افتحى الكشكول اللى مخصصاه للعربى مش بتاع المدرسة طبعا وبعدين اول حاجة اقرى النص كله بالمعانى ومظاهر الجمال من غير ما تركزى فى نقطة معينة (طبعا هتلاقى نفسك مش فاهمة حاجة) وبعدين ابدئى تجزئى النص اجذاء اجذاء وتمسكى كل جذء تكتبيه فى الكشكول وتحفظيه كويس وبعدين تاخدى خط وتبدئى تشوفى كل معانى الكلمات اللى في الجذء ده من نفسك بس ما تكتبيهاش فى الكشكول وحاولى تطلعى مظاهر جمال منه وبعدين بصى فى الملخص وشوفى الكلمات اللى على الجذء ده والمظاهر واحفظييهم كويس جدا وطبعا هتلاقى فيه حاجات فى الوسام مش موجودة فى الرساله والعكس طبعا وبعد ما تطلعى كل الكلمات والمظاهر هقولك على طريقة ممتازة ممكن تقولى عليها عبيطة وهبلة جدا جدا جدا بس دى مفيدة اكتر ما تتوقعى طيب ايه هى؟
لو مثلا بتذاكرى فى اوضة النوم (ههههه) او فى اى حته ما ليش دعوة انتى حرة بدال ما تقوم حرب بينا . امسكى الكشكول واعتبرى نفسك المس بتاعة العربى وان الانتريه او السرير هما الطلاب واشرحيلهم باسلوب كويس والله العظيم هتلاقى نفسك فهمتى الدرس 100% وهتحفظيه بسرعة جدا جدا ومش هتنسى ولا نقطة فيه واشتغلى بنفس الطريقة فى بقيه الاجذاء وجربيها وهتدعيلى بس ما تعيبش عليها
طيب واحد يقلى ايه الهبل اللى انا بقوله ده الطريقة دى هتخلى مخك نشيط وهتخليه ينتبه لكل نقطة فى الدرس وتمام التمام
وبعد ما تخلصى هبل ........اقصد مذاكرة سمعى النص والمعانى والشرح وكدة يعنى شفوى وكتابه وحلى الاسئلة وبعدين ولعى فى الدرس لانك مش هتحتاجى الدرس تانى ابدا لانه هيثبت فى مخك
وبالنسبة للكمبيوتر انا مذاكرتش غير فصلين ونسيتهم بس اهم حاجة حاولى تخديه تسليه وان الحاجات اللى فيه دى سهلة خاالص واشرحى للطلاب بتعوتك (السرير) وفيه مذكرات كتيرة على النت اكتبيهم واحفظيهم
كفايه كدة علشان تعبت
سلام بس يا رب تعجبكوا
|
الف الف الف شكر يا هارى وانا النهارده هذاكر نص بلادى واجربها وان شاء الله تنفع
وبالنسبه للطريقه الهبله دى ههههههه فدى انا ماشيه عليها من زمااااااااان بس قبل ما ابدأ اعملها بقفل الباب بتاع الاوضه علشان اختى الصغيره مره شافتنى وانا كدا فكرتنى بكلم نفسى وراحت قالت لبابا انى اتجننت هههههه
بس انا مش بشرح للسرير انا بجيب اى دبدوب واشرحله اهو اخد ثواب عليه
وبالنسبه لمذكرات النت انا بس برجعلهم ف معانى الكلمات علشان أأكد عليها او بيكون فيها اسئله حلوه بس الشرح ف الرساله والوسام مش بيخلينى محتاجه شرح تانى ربنا يكرمهم مؤلفين الكتب دول
وشكرااااااااا ياهارى عالطريقه