[theotherface]

ياجماعه الماتش خلص خلاص
ومفيش حاجه هتحصل
وانا مش مضايق من اداء الاعيبه
ولا من حسن شحاته
لانهم علموا اللى عليهم
هو مكنش فى توفيق من عند ربنا
وكان باين طول المباراه
اما بقى اللى حصل فى السودان
ده ان دل يدل ع غباء منهم
يعنى هم مش جايين تانى
وقدر الله ماشاء فعل
وكمان انا كنت ناوى لو الجزاير طلعت المونديال
كنت هشجعها
اما دلوقتى
خلاص
انسى ياوديع
انا اشجع فرق افريقيه تانيه احسن
وهتشوفوا اما الجزاير ديه شالت مش اقل من اربعه
فى ماتشات العالم
متسغربوش ده ربنا مطلعهم علشان يشوف الفرقه بتاعتهم بجد
ويعنى السعوديه وتونس عملت ايه فى كاس العالم 2006
نتايج السعوديه :
تعادلت السعوديه مع تونس 2/2
خسرت السعوديه من اسبانيا 0/1
خسرت السعوديه من اوكرانيا 0/4
وخرجت من كاس العالم بنقطه وحيده
نتائج تونس :
تعادلت تونس مع السعوديه 2/2
خسرت تونس من اسبانيا 1/3 (وهى تعد تانى اقوى مباراه لعبتها تونس فى تاريخها الكروى بعد مباراه المكسيك فى كاس العالم78)
خسرت تونس من اوكرنيا 0/1
وخرجت من كاس العالم بنقطه وحيده ..
انا عارف ان الجزاير مالهاش دعوه بنتايج الفرق التانيه
بس عموما الجزاير مش اقوى من تونس او السعوديه
ومعلش يعنى حتى لومصر صعدت هتعمل ايه
ياجماعه فككوا بقى
انا اساسا اللى كان يفرق معايا هنا فى القاهره
مش اللى فى السودان
واللى حصل فى المصريين هناك
هيحصل فيهم قريبا لما يجيوا هنا
متخافوش ربنا مبيضيعش حق حد
ومعلش لو طولت عليكم
بس الواحد مضايق اوى من اللى حصل فى السودان انا سمعت ان
رانيا علوانى اتصابت اصابه طفيفه غير الناس التانيه
ويارب وقع الجزاير فى مجموعه يكون فيها كده فرنسا والمانيا
ال ايه بعد الماتش طلعوا يشجعوا فرنسا
والله المجانين فى نعيم ...