بسم الله الرحمن الرحيم
محمد حسني مبارك الرئيس الحالي لجمهورية مصر العربية
شارك في حرب 1973 في أول ضربة جوي ( بشك في كدا :D )
ماذا قدم لنا في فترة الحكم له والتي بدأت من عام 81 حتى 2006
25 سنة عايشين في ذل
اللي بيفتح بقه بكلمه عن الحكومة بيتقفل بقه وع أمن الدولة وتحري وان شاء الله بيسطح ع التخشيبة ( البورش زي ما بيقولوا)
وحكومة مختارة على الفرازة
عاش الشعب اكبر محنه في هذا العصر لا انكر انه قدم لمصر الكثير
هههههههههههه اتفاقيه الكويز مع ماما امريكا وتنت اسرائيل
طيب فيه مزايا وفيه عيوب
مزايا رجعت لينا طابا
اننا عايشين في سلام بعيد عن اي خلافات في المنظقة المشتعلة نيران ما بين اسرائيل وامريكا والذين طوقونا كشقي الرحى
بس شوف حكومة الجنزوري وليه شاله عشان راجل كان بيحب مصر بجد
لكن البرنامج الانتخابي لحد دلوقتي
مشوفتش اي حاجا منه
اه منكرش اننا في سلام من العالم الخارجي
لكننا هنا نعاني القحط الشديد
احد الفنانيين التشكليين متزوج وذاهب لشرم الشيخ وهو مصور سيناريست باين
وسايق العربية وقف في كامين شرطة قالوا ليه رخصتك قال لهم انا كزا راحوا جابوا ليه الضابط
جه الضابط قاله يا توطي تبوس جزمة العسكري يا هنخلي خمس عساكر يغتصبوا مراتك
وطى باس جزمة العسكري
قاله طيب كمل جميلك وبوس خمس جزم العساكر التانين
وطى باسهم
ووطى باس جزمة الضابط
عشان ينقذ نفسه ومراته
اتصلوا بيه مش فاكر في قناة ايه باين في برنامج القاهرة اليوم مش فاكر والله
قعد يشتم في الريس ويسب فيه
الشعب بأى يطاطي يبوس الجزم عشان حقه
ثانيا انا مش هتكلم اكتر من كدا كفايا اني اقول اننا عشنا ايام وحشة قوي في عصره
وحرام عليه خليه يسبنا في حالنا احنا قرفنا بجد وتعبنا
وربنا هو العالم على كل شئ
وانا مش هخاف من لومه لائم
(واعلم ان الأمة لو اجتمعت على ان ينفعوك بشئ لن ينفعوك بشئ الا قد كتبه الله لك ، واعلم ان الأمة لو اجتمعت على ان يضروك بشئ لن يضروك بشئ الا قد كتبه الله عليك ، جفت الاقلام ورفعت الصحف)
واقول اننا لن نصمد طويلا
سيأتي اليوم الذي تنفجر فيه ثورة شعب ظل 25 سنة يعاني من الظلم والقهر
وانظر حولك من يقدر بأن يتفوه بكلمه عن الرئيس
انظر الى حال التعليم
انظر لحال الشباب
انظر لحال البلد
انظر لديون مصر
انظر لكل شئ
كام من شخص يموت نتيجة الاهمال
تذكر مأساة العبارة والقطارين
ورمسيس ودهب والسيدة زينب والتفجيرات دي كلها
ليه منشالش حبيب العادلي
ليه الحكومة كلها منقاه بهذه الشكاله
ونعم الاختيار
تلات تربع الحكومة مرتشي
وكل واحد بيقعد في كرسي حالف تلاته بالله العظيم ما هيسيبه
وكثرت كلمة رشوة وواسة في عهده كما لم ترى من قبل
قانون الطوارئ المحترم
حرية الرأي والتعبير يا سلام الله يخليك لينا
وفي اخر قولي هقول كلمتين
كما قال شعبان عبد الرحيم: وبحب حسني مبارك ............الخ
وكما قيلت: وعشان كدا احنا اختارناك
وكما قال سمير رجب في الجمهورية ( قبل ما يغور في داهية )
لماذا تقدم يا سيادة الرئيس برنامجا انتخابيا فانت تاريخك مشرف كالكتاب المفتوح ( تاريخ أسود ومهبب)
وقل كلمة الحق في وجه ملك جائر ............. هذا افضل الجهاد
ولكل جبار ظالم نهاية
وقد قربت النهاية
شكرا يا بو طه :D
رجاء أخير
مش تبلغوا عني حرام عليكوووووو
وكلمة أخيرة
نسى الطين ساعة انه طين حقير فصار تيه وعربد
وكل واحد في منصب بأى ظالم ومتعربد ( مش كلهم فيه ناس محترمة )
ونسوا انه لا فرق بين عربي او اعجمي الا بالتقوى وليس بالفلوس والواسطة
وانا افضل ان اموت ولو اني اتسجن
احسن من اكبت الظلم والقهر بداخلي
ومفيش حاجا اسمها مشي جمب الحيط
بس انا مش هعمل كدا في كليتي بس لو اتحطيت في موقف استعدى اني اقول كدا هقول كدا
والحمد لله خير لي ان القى ربي وانا قائل كلمة الحق خير ما ان اصفق بملأ يدي رياءا ونفاقا