يا جماعة انا بعد ما سمعت الكلام الجميل ده
مهتم جداا انى اقدم فيه وطبعا مش لانى شجاع وبحب المغامرات
بس لانى سمعت ان المعهد ده مش مرتبط بسنة التخرج وانا اضحك عليا فى معهد تانى كان سنتين واكتشفت انو مش معتمد
يعنى بمعنى اصح انا معايا ثانوية عامة وهدخل الجيش وهلبس سنتين وبعدين هخرج هبقى محتاج اكمل دراسة فى جامعه مفتوحة علشان يبقى معايا بكالوريوس يعنى هيضيع من وقتى كتير وانا ما عملتش حاجة
ده بالاضافة الى ان انا اصلا شغال فى شركة كلورايد وطبعا الكل عارفها اللى هى عند القرية الذكية يعنى انا جمب المعهد
فرصة بالنسبالى اقدم فيه واستحمل لحد ما يخلص بدون احتكاك ده لو افترضنا اصلا ان انا هحضر
والبنسبة للاستاذ محمد وبعد احترامى الشديد للى رد عليه وقال انو بيشوه صورة المعهد انا بس عايز اقولك على حاجة صغيرة
ان كل واحد منا بيعيش فى جو وبيئة معينة لو خرج عنها بيحس بفرق ---- وعلشان كده انا مقدرش الومك انك شايف المعهد نظيف
وعلى اساسو بتكدب استاذ محمد
بس لو انت مكان اى حد جديد هتحب تعرف حاجات عن المعهد
انا ماحدش وجهنى وقالى ان المعهد اللى انت فيه ده مش معتمد لو كنت اعرف ماكنتش روحت لانى مش غاوى ارمى فلوسى على الارض
والراجل مغلطش انو بينبه الناس اللى رايحة تقدم علشان ما يتخدعوش فى المظاهر اللى بتبقى موجودة فى الاول
تلاقى اى حد من شئون الطلاب يعرف انك عايز تقدم جديد يبقى عايز يقوم ياخدك بالحضن
تكتب استمارة من هنا وتاخد انت استمارة 6 من هنا
بس انا مش بيفرق معايا لسبب فى مثل بيقولك
اللى محتاج من ال--------------- قولوا يا سيدى
وانا محتاج فعلا شهاده يبقى خلاص نتعامل احنا باحترام وبدون مشاكل لحد ما نخلص على خير
بالمنسبة انا لسه ما قدمتش لانى كنت اصلا ماشى فى ورق الجيش بتاعى لانى وصلت لمرحلة اليأس وشوفت النهاردة وانا ماشى لاقيت ورقت جرنان مكتوب عليها اسم العبور وعليه علامت اكس ههههههههه
قولت اكيد المعهد ده محبوب من ناس كتير بس هى غلطة عيل صغير
بس ادعولى اقبل فيه لانى اصلا هقدم متأخر وخايف يقولولى ان معاد التقديم خلص وساعتها هرجع لحالة اليأس تانى واكمل ورق الجيش
اشوفكم على خير
|