[**تسابيح**]

موضوعك جميل وعاقل و زى الفل بس خلينا نتكلم بعقل و حكمة

مبدأياً هما مش هيعتزروا على أى حاجة لأنهم بيكدبوا الكدبة و بيصدقوها

طيب ياحبيبتي قلبي تعرفي انا كنت انا وخالي بنتفكر ع قناة جزائرية
وبسأله هما قالوا ايه عن مصر ..
قالوا ان دي مجرد أكاذيب الحكومة مطلعها
يعني فيه ناس في الجزائر مش تعرف الحكايات اللي بتحصل
لانهم اكيد مش هيفضحوا نفسهم

تانى حاجة الناس اللى قالوا لو شفنا واحد جزائرى فى الشارع هتطلع عين اللى جابوه ده مش هيحصل و أنا واحدة منا للى قالوا كده مش علشان ساعتها هنخاف بس علشان مفيش واحد جزائرى خايف على نفسه هيفضل فى مصر و اللى موجودين دلوقتى جزائريين معظمهم يا والدهم يا والدتهم جزائريين يعنى مصريين جزائريين

هو دا الغلط بعينه ياروحي اننا نأخذ العاطل في الباطل
هم ذنبهم ايه ...!! زي ما برده ذنب ايه المصريين اللي في الجزاير
من ناس بتوع كورة متعصبين ...رمه مش عندهم دم !!
مش ليهم ذنب ... بص من الاخر دلوقتي انت مضايقة وبتقولي هقطعهم فعلا
عشان قرأتي عن الضرب اللي اتعرض ليه المصريين وشفتي فيديو
هم بقي قرأوا عن الجثث ياريت كدا وبس الشروق دي مش راضية تبطل
والله العظيم لو دخلت الموقع الالكتروني للجريدة مهزلة مهزلة بجد
بيشتموا في المصريين ويقولوا عليهم حاجات غبيه بس
كل الحاجات دي ياروحي مدبرة وناس ورا كل الكلام دا اسرائيلين
عايزين يشغلونا

بالنسبة للقومية العربية اللى بتتكلمى عليها .. إحنا مش ناكريين فضل الجزائر علينا فى حرب اكتوبر بس ده خلاص انتهى
زى ما هما نكروا جميل عبد الناصر عليهم إحنا هنفتح صفحة جديدة معاهم و هتكون صفحة سودا و هما اللى عايزين كده
إحنا كنا كويسين معاهم لآخر لحظة

بص موها ياحبيبتي ....
انت ليه مش قادرة تفهمي انه ولا من مصلحتنا ولا من مصلحة الجزاير
اللي بيحصل دا ... وانت واخده فاكرة عن الجزاير من الاعلام بس
مع انهم قلة مش كل الجزائريين صدقني احنا مفروض نتجمع ونتحد
عشان الناس اللي مش ليهم ذنب حرام المصريين اللي عايشين في الجزاير
من حبا في سوا عيون الجزاير ولا حتي عشقا في الغربة
اللي عايشين هناك عشان يجيبووا لقمة عيش بدل اللي مش لقينها في مصر
احنا عمرنا ما هنحس بيهم تفتكري لو جم مصر هيلاقي شغل
كان غيرهم اشطر ... والناس اللي فاتحه بيت واسرة هيدمر كل حاجة!!!

و لعلمك حتى لو المنتخب التعبان بتاعهم ده ماكسرش الاوتوبيس اللى كانوا فيه و عملوا نفسهم متعورين و حكومتهم مقالتش إشاعة الجزائريين المقتولين كانوا برده هيحرقوا العلم المصرى و يدوسوا عليه برجليهم و كانوا هيجيبوا بلطجية و رد سجون علشن يضربونا دى مجرد حجج فارغة زى ما بيقولوا
دى وصلت بيهم السفالة غنهم فى المدرجا يشاوروا بإيديهم بشكل قبيح و يقلعوا ملابسهم !!
دى وصلت إنهم يتحرشوا ببناتنا و يخلوا واحدة تقلع التى شيرت بتاع مصر علشان مايقتلوهاش!!

ع فكرة الجزائرين بيحبوا المصريين جدااا جدااا
صحيح هستغربي اني لسه بقول كدا
مش انا اللي بقول ناس كثير عايشين في الجزاير مصريين
لو مش كانوا بيحبونا اكيد مش هيتجوزوا من عندنا
ولا حتي واحد جزائري يتجوز مصرية
بينا روابط كثيرة
عشان كدا الحكاية دا مدبرة علي اعلي مستوي
دا غير الحاجات اللي لسه بتتقالهم واحنا مش نعرفها
لو تلاقي الاعلام عمال يبخ سم في ودنهم
تفتكر هم كمان هيطبطبوا علينا أكيد *لا*
احنا منفعلين عشان ناس مجروحة وهما كمان مصدقين حكاية الجثث
لان اللي ناشر الموضوع صحيفة الشروق اللي زي الاهرام كدا
اللي معظم طوائف الشعب بيصدقها
تصدقي في جريدة مش فاكرة ايه
ناس بتكتب تعليقات عن الاخبار اللي زي كدا فواحد جزائر بيقول
ما انتم كمان عملتوا وعملتوا وعملتوا واحنا نقول انتم عملتوا وعلمتوا وعملتوا دا كله مدبر والله مش ممكن الحاجات اللي بينا تضيع في لحظة الموضوع اكبر من الجزاير واللي فيها
دى وصلت إننا يشتمونا بالأم و بالدين و يشوهوا فريقنا بأى كلام !!
دى وصلت إنهم دلوقتى بيتصلوا بالمصريين و يهددوهم بالقتل و يدخلوا مواقع مصرية و يحاولوا إختراقها
و

الأفظع من كده إنها وصلت فى مدرجات الملعب يحروقوا الإنجيل !! .. و شفتها بعينى وا لله العظيم .. إزاى يعنى !! عايزين من كده إيه ؟؟ .. رغم كل المشاكل اللى بتحصل بين المسلمين و المسيحين فى مصر بس يستحيل يقدروا يفرقوا بينا بالطريقة الواطية دى .. شىء مؤسف بجد
تخيلى شعب بأكمله مجرم إزاى عايزة تقنعينى إنه ممكن يغير فكرته عن اللى بيعمله .. إزاى حكومتهم تقنعهم بكل الآدلة إننا قتلنا و كسرنا فيهم و هما يقولوا آمين

حبيبتي قلبي حكومة ايه ياروحي
ال حكومة ال
الحكومة في الجزاير اقل سلطة ع فكرة ومين اللي قالك اصلا
ان الحكومة بتعمل كدا ولا بتحاول تكذب ابدا ابدا
قعدت اتفرج ع نشرة جزائرية ولا جابوا حاجة عن اللي بيحصل اصلا
يعني بيضللوا الناس وخلاص

دا إحنا لو الريس عندنا عطس بنقول عطس ليه و بنحلل عطسته
ماعندهمش عقل

ياحبيتي عندهم وكل حاجة بس انت بتعممي ليه
فيه ناس جزائريين كويسين جدااااا وبرده فيه ناس مصريين
معندهمش دم وناس جزائريين مش متربيين ومصريين
في قمة الاخلاق في كل مكان الحلو والوحش
عبنا اننا نعمم دلوقتي انت مضايقة عشان البنت اللي قلعت التشرت الاحمر
هم عندهم بيقولوا واحدة مصريات طلبت منها خلع ملبسها بالكامل!!!
طبعا كذب وربنا هيحسبهم بس اكيد هما كمان متعبين مننا
عايزة اقلك يعني ان الحرب بتدار ع مستوي عالي اووي
مش مجرد جزاير ومصري فيه حاجة في الموضوع
السم بيتبخ في ودن المصريين والجزايريين

دى وصلت إنهم يكسروا فى شركات مصرية عندهم و يا ريت كسروها و بس دول مش طلعوا مجرمين و رد سجون سفلة بس دى وصلت إنهم حراااااااااامية و مفيش حد بيمنعهم من التخريب و ده دليل قاطع على إتفاق حكومتهم معاهم فى حين إننا هنا بنتظاهر لطرد السفير بتاعهم و عاملين عليه حراسة مشددة
كل ده علشان إشاعة قتل 8 من عندهم!!

طيب السفير ذنبه ايه
دا احنا مش عملناه ياحاجة مع اليهودي اللي في بلدنا
نعملها مع واحد مسلم عربي!!
دا احنا مقطعناش الصهيانة اللي بيدبحوا في اهالنا
نعملها ممع واحد مسلم عربي !!

دول معملوش كده لما مليون ونص واحد ماتوا و إستنجدوا بينا علشان نساعدهم !! .. ال8 هما اللى خربوا الدنيا!!
إحنا لو مات عندنا 8 بنقول كمان كمان( عالم مخها مفكوك )

ياسلام هو الموت سهل للدرجة دي
لان الحكومة عندنا مش بتسأهل
كل همها اننا ننشغل باي حد بدليل
لما المنتخب الوطني بيلعب راح الريس شجعه لما 1000 واحد ماتوا في العبارة الريس ولا عبرهم ....
بطاله منتشرة في البلد ومع ذلك محدش اتكلم
لما 20 واحدة يعملوا مظاهرة عشان غزة يتحبسوا ولما يعملوا
مظاهرة عشان الكورة عادي ...!!

أنا بجد اول مرة احترم حكومة بلدى .. عارفة لو كان جمال مبارك ساب الحرس بتاعه فى الماتش يخلص على مجرمين الجزائر كانوا عملوها ( الحراسة اللى كانت معاهم دى أقوى ناس فى مصر تبع المخابرات واحد منهم ممكن يكسر حيطة لوحده )
بس هما طلعوا ناس حكيمة فعلاً و عارفين لو عملوا كده هتحصل مشاكل لا حصر لها

هههههههه
انت بتصدقي ياروحي ...
ميقدرش ياجميل ... ممكن يتقال عليه نجل الريس يستغل سلطته...
حاجات غريبة ...

لما يحطوا حراسة على السفارة ده بيبين غننا شعب محترم و حكومة كويسة لإننا برده مش هنقبل إن واحد سواء سياسى او غيره يتهان فى بلدنا .. و إحترامنا ليه ده هيكون فى صالحنا إحنا مش بنحرسه علشان جمال عنيه دا علشان مصلحتنا إحنا

بجد مش ينفع اللي احنا فيه كدا
كفاية حرام والله

الدنيا ماتسواش لما تلاقى واحد المفروض إنى بسميه اخويا و يقولى هدبحك !!

فين قناة الجزيرة اللى كانت دايماً بتطلع مصر دولة بنت ستين فى سبعين ؟؟
فين السبق الصحفى بتاعها ؟؟ .. ولا هو عداء لمصر وخلاص!!

اأكيد مش اتفرجتي ع الجزيرة
ياحبيبتي بتقول مصر بتهجس
وبتدعي وبتجيب ناس بتقول كدا
ع فكرة واحد مشروع بين مصر والجزاير بداية لمشروع
للتنقيب ع الغاز الطبيعي وفيه شركة قطرية يهودية عايزة تأخذ المشروع كدا
الله اعلم الكلام دا صح ولالا

اللى بيحصل ده مفيش واحد فى مصر مش عارف غنا لحكاية دى وراها إسرائيل .. بس مش معنى كده إنا لجزائريين مش غلطانين

ياريتنا فاهمين الحكاية دي
مكنش دا كله حصل

صعب إنك نفهميهم إن حكومتهم ضحكت عليهم .. اللى معصبنى جداً منا لحكاية دى إنى فكرت أدخل منتدى جزائرى و افهمهم اللى بيحصل لقيت واحد مصرى مكلمهم بهدوء و إحترام و رغم كده شتموه بألفاظ زبالة زيهم

إحنا مش باقيين على حد و زى ما قال علاء مبارك من هنا و رايح اللى هيكون معانا أهلاً و سهلاً بيه و اللى مش معانا مش عايزينه .. لازم نبص لنفسنا بقى و كفاية إهانة للمصرى جوا و برا مصر
كفاية كده بجد

انت دخلتي ع منتدي واحد ودا لا يعبر اطلاقا عن الشعب الجزائري
انا دخلت ولقيت واحد جزائري بتكلم بهدوء بيقولوا
ياجماعة مينفعش الكلام اللي بيحصل بين المصريين والجزايريين في المنتدي
احنا عمرنا ما تعودنا بينكم ع كدا ....

اللى عايزه اوضحه من كل ده إنهم مش بيفهموا إلا اللى حكومتهم تقولهم عليه .. تخيلى إنتى حكومة و شعب نصابين .. بجد الحمد لله على حكومتنا وعلى شعبنا

ههههههه
الحمدلله ياموها الحمدلله
حكومة نهبنا وخربنا ومفلسنا
الحمدلله
انت فاكرة اللي بيحصل مش الحكومة مش وراه
يابنتي اصلا الحكومة فرحانة طيب لو انت بتقرائي جرايد هتلاقي
ولا جريدة بتكلم عن تلوث مياه النيل ودي قضية مثارة في الوقت الحالي
ومفيش ادني اهتمام اصلا كله بيتكلم عن الكورة
وفساد فساد وكله مشغول والحكومة تنهب واحنا بنقول كمان كمان
زي الحاجة شاهيناز ما بتقول

على الأقل لو حكومتنا فكرت تضحك علينا إحنا بنكشف ده .. لكن هما زى الحمير بالظبط يمين يمين شمال شمال

ههههههههه
امته كشفناهم دا !!
يابنتي احنا اللي بيضحك علينا ومبسوطين اوووي
وحتي بنبتسم الابتسام المعهودة

صدقينى أنا بعد كل اللى حصل ده و نفسى إن المشاكل اللى بينا دى تخلص بس ماينفعش إحنا اللى نبدأ و نهين كرامتنا هما مش فاهمين و مش عايزين يفهموا لإن البديهى واجد جزائرى هيصدق حكومته ولا هيصدق واحد مصرى ؟؟!!

إسرائيل بالفعل نجحت فى إنها تفرقنا أكتر ما إحنا متفرقين بس قدرت تجمع

ان شاء الله هيحصل ونرجع مهما حصل

شعب مصر كله رئيس و حكومة و شعب فى شىء واحد ضد أى إهانة لأى مصرى

بصراحة من كثر الهم عايزة اضحك
يابنتي اصلا اللي معمول دا عشان الحكومة المصرية تلعب ع العود لوحدها
وتبقي هي السيدة مع انهم والحمدلله مخلصينا علينا اول بأول

زمان كان عبد الناصر لما يسمع إن مصريين حصلهم حاجة فى أى بلد كان حله هو الضرب علشان يبين إن المصرى كرامته أغلى من اى حاجة

و إحنا بقالنا سنين بناخد على قفانا و نقول أصلهم إخواتنا .. لا معلش لازم يكون فى رد حازم من كل الجهات و أولهم الشعب إننا نقاطعهم و نعرفهم مين هما المصريين اللى ربنا ذكرهم فى القرآن

بصراحة انا كمان نفسي يرجع حقنا بس لما نفوق
ونعرف ان اللي بيحصل دا تدبير كبير
والجزائريين كمان يعرفوا كدا ونركز ع الحاجات الاكبر تحرير القدس
بجد اكيد هيكون احسن
نورتيني ياموها بجد
بس ياريت تهدي صحتك بالدنيا ياجميل