يا قوم يا بشر انا مش فاهم ايه حكاية المنتدي ده و اعضاءه
و بالذات قسم البرامج و الشروحات
انامش شايف اي نشاط فيهم تقريبا معأن ده من اهم الاقسام الموجودة في المنتديات التانية و كمان نقطة تميز ليهم
لدرجة ان الواحد ممكن تسجل في منتدي عشان ينزل برنامج واحد بس
و طبعا المنتدي بتاعنا لا فيه لا شروحات و لا يحزنون
و الواحد منا مش هاين عليه يشرح برنامج يفيد بيه التانيين او حتي يترجم شرح قراه في منتدي اجنبي
و ملاحظ ان مفيش حتي تميز في الموضوعات السابقة خالص لان قليل جدا منهم الحصري
و كمان منقول مش بحرفيه او بذكاء يعني اللي بينقل بينقل و خلاص من غير حتي ما يتأكد من وصلات و لا صور
اساليب الشرح متخلفه هنا جدا و سيئة للغاية و الهي يا جماعة انا دخلت علي منتدي معين لمده يومين خلاني من حلاوة دروسه عضو دائم
و قدرت اتعلم منه مبادئ الهاكينج و منتدي تاني متميز في الفوتوشوب معأني من اسبوع مكنتش اعرف عنه حاجة الا انه برنامج بيظبط الصور و بس
دلوأتني بقيت اقدر اصمم توقيعات و اعدل في الصور و اسستخدم ادواته بحرفنه زي الفيكتور و الجليترز و غيره
----------------------------------------------------------------------------------------------------------
المهم و لو سمحتم يا سادة يا اعضاء نهتم بالقسم البرمجي شوية و نعمل مواضيع من دماغنا و حصرية عشان نجذب
الزوار و نرفع ترتيب منتدانا
و لو سمحتم اللي يرد مش يقولي مشكور و خلاص لازم يعمل موضوع في قسم البرامج الميت تقريبا لعله ينشط مرة اخري
و يجذب له اعضاء كل المنتدي
و ده اللي عندي و يا رب كلامي يتسمع مش زي باقي المواضيع و يا ريت تقدموا انتو كمان حلول
و يا ريت مشرف القسم ده يكلمني و انا و الهي هساعده لحد بدايه الدراسة
منتظر حلولكم و ردودكم
|