[soul333]

كل سنه وانتى طيبة ويارب آقدر افيدك
اولا
بالنسبة لحكاية الكلمات والتسميع وكدة يعنى
ماتخلى اختك الاكبر منك تسمعلك
او
والدك او والدتك
او
مدرسك
ومش شرط مدرس المادة ممكن استاذه انتى بترتاحى لها وعارفة انها -ان شاء الله-مش هتقول لا
او
صاحبتك
سمعيلها فى فترة الراحة(الفسحة يعنى)
وبالنسبة لطريقة الحفظ
ففى اكتر من طريقة
احفظى بالطريقة اللى تريحك

ثانيا
(علما بانى متفقة مع just stop)
بس قوليلى انتى ليه بتتكسفى

يعنى اصلك لما تكلمى مدرس
اما انك هتساليه سؤال او هتناقشيه فى حاجة انتى مش فاهماها فى المنهج
المهم ان كلامك بيكون فى اطار موضوع الدرس والحصة
وبكل ادب واحترام
يبقى ليه تتكسفى
مفيش داعى لكسوفك ده خالص
وحكاية انه بيعاملك وحش دى فانا كمان مريت بالحكاية دى وبردو من مدرسة الرياضة
اقولك على سر الظاهر ان مدرسين الرياضة كلهم كده
وصح اعملى نفسك انه مش فارقة معاكى بس ردى على كل سؤال يسأله
واثبتى وجودك
ولمّا انتى عارفة ان كسوف وحركية بتقلب بتخلف(انتى اللى قولتى) يبقى
ليييييييييييييييييييييييييييييه
حاولى بقدر الامكان انك تبطلى ده
ثالثا
مشكلة الحفظ دى مشكلة انا كمان بعانى منها لحد دلوقتى
يعنى ثانوية عامة ومش عارفة احفظ
(شوفتى الخيبة)
ماعلينا سيبك منى

بس عارفة بالاضافة لشرح المدرس انا كنت بشرح لنفسى
وباخد الدرس على انه حدوته
و كنت بسأل بابا وجدى فى التاريخ اكيد طبعا همّ عارفين اكتر منى
وكانت الحكاية دى بتجيب نتيجة معايا

والعربى لسه لحد النهارده بواجه مشكلة فيه
بس براجع الدرس مع نفسى اكتر من مرة
وربنا يستر
اه صحيح
اوعى تحسسى نفسك انك غبية مش فاهمة حاجة او ان الدراسة صعبة وانتى ومش قادرة عليها صدقينى هتتعبى انا مجربة
وربنا معاكى ومعايا طبعا
ومع الكل
ربنا يوفقنا كلنا