[**تسابيح**]

أولا : أسفة يامسيو بس انا مش متفقة مع حضرتك خالص ... احنا مسلمين عرب ... وهنفضل طول عمرنا عرب
ومفيش حاجة هتقدر تفرق ما بينا وهنتحد تاني وهنبقي احسن من الاول كمان ان شاء الله
ثانيا :::اللي كانوا في الماتش لا يمثلوا الشعب الجزائر ع الاطلاق ... كل واحد بيمثل نفسه وشخصيته وتربيته ... أكيد 20 مليون جزائري فيهم بعضهم اطفال ميفهموش حاجة وبعضهم نساء مش شافوا الماتش خالص وناس تانية وفي وادي تاني مشغولين بحالهم اقصد فكرة التعميم دا فكرة بكل اسف متنفعش
لان زي ما فيه في مصري ناس حقيرة فيه برده في الجزائر
وزي ما فيه في الجزائر ناس في منتهي قمة الاخلاق واالادب فيه ناس كدا برده في مصر .....
ثالثا::: منقدرش نهين حد او نتكلم نص كلمة ع حد قال*اشهد ان لا اله الا الله .. واشهد ان محمد رسول الله**
رابعا:: بالنسبة للمنتديات الجزائرية انا مشترك ع اثنينوالله فيه ناس في المنتديات دي جزائرية بيتكلموا عن مصر بطريقة محترمة جدا وبيقولوا
مش ينفع اللي بيحصل وناس تانية بتشتم عادي في كل مكان الحلو والوحش
خامسا:::الحكاية مدبرة ع اعلي مستوي سواء في مصر .... لما 1000 واحد غرق ف العبارة ليه الريس مرحش ولا سأل عليهم عشان يوصيهم ليه؟؟!!
اشمعني عشان لعبة زي الكورة يروح للفريق ويقول ربنا معاك
مصر امانة في ايديكم ...اشمعني ؟؟!!.. اشمعني لما الصخرة سقطت ع الناس
مش راح لهم وقولهم معلش او اي حاجة ... اشمعني ؟؟! الناس الغلابة بيكلموهم من برج عالي والناس الثانية لا ....
لما بتطلع اي مظاهرات سياسية الناس دول بيتم حبسهم وكمان وضعهم في السجن وتحتهم 500 خط اشمعني ؟؟!! لما الناس عملوا مظاهرات عشان الكورة سابوا المظاهرات ....
مش شايف حضرتك ان الحاج حسني بيشغل الناس عن الجهل والفقر وارتفاع الاسعار اللي احنا فيه ....
وبعدين من امته اصلا علاء ولا جمال بيتكلموا مع الشعب او في برنامج تليفزيون
طول عمرهم في بقهممعلقة دهب وحراسة وعالم عايشة مش حاسين بالناس ...
ساسا:: بالنسبة لاسرائيل بصراحة هي نجحت بكل جدارة انها تفرق بينا
بدليل الكلام اللي بعض الجزائريين بيقوله والمصريين
اننا نسحب السفير ....
دا عمرنا ما عملناه مع اسرائيل ومع اليهود اللي بيمص دمنا كل شوية ...
دا احنا لو هنعمل حملة ضد اليهود مش هتلاقي كمية الناس اللي ضد الجزاير
بصراحة**وا اسفاه**... دلوقتي مصر مش علاقتها في غاية الروعة مع العرب ... دي علاقتها في انحدار كل يوم ... لو اليهود احتلوا مصر
يبقي مبروك عليهم محدش هيتكلم ساعتها ....لان العرب هيفرحوا عشان فيه خلاف ومحدش هيتحرك
سابعا:: مصر مش ليه فضل ع حد ولا حد ليه فضل ع مصر
مصر ساعدة الجزائر وكانت نتيجتها العدوان الثلاثي
ولما الاسلحة المصرية ادمرت في الحرب الرئيس الجزائري هواري بومدين
دفع شيك ع بياض عشان الاتحاد السوفيتي يدي لمصر سلاح
احنا مش انتصرنا في حرب 73 عشان مصر كانت بتحارب لوحدها
لو كنا بنحارب لوحدنا بكل تأكيد كنا خسارنا
احنا انتصارنا عشان كنا ايد واحدة شعب واحد امه واحدة
العالم كله وقف حمب العرب عشان خافوا منهم
عشان لو كانوا ساعدوا اسرائيل كانوا منعنوا عنهم تصدير البترول
ان شاء الله هنفضل عرب مسلمين متحدين

الغرب000نسي عروبته ودينه000ونسي اسلامه وتذكر فقط انه من اصول بربرية وليس عربية

لو الجزائرين مش من أصول عرببة يبقي برده المصريين مش من اصول عربية
العرب اللي عايشين في شبه الجزيرة العربية
السبب بقي اللي خلي المصريين وكل الدول العربية عرب
لانهم بيتكلموا العربية فالعروبة لسان
الجزائرين بيعرفوا عربي كويس جدا بس برضوا بيعرفوا لغة عدوهم
وبرده زي ما فيه مصريين ينتسبون للاسلام باسم فقط
برده في جزائريين كدا والعكس في غاية الصواب
دا راي الشخصي لا يعبر الا عن نفسي
ع العموم كل سنة وحضرتك طيب
عيد سعيد ع حضرتك باذن الله