اقتباس:
المشاركة الأصلية كتبت بواسطة "إلارسول الله"
بارك الله فيك
ممكن نبدا بالمواد الشرعية
يعنى لو حضرتك عندك اى ملاحظات ممكن تقولها ونستفيد باذن الله تعالى
|
حاضر يا اخواني نبدأ بالمواد الشرعية
أولا :الفقه
طبعا زي ما انتو عارفين ان كتاب الفقه سايح في بعضه ومش مقسم يعني مش مساعد علي المذاكرة
ركز معايه الله يكرمك كده وخلي بالك من اللي هقوله 0
هتذاكر الدرس ازاي ؟؟؟؟؟؟؟؟؟؟؟؟
انا عاوزك تجيب 5 ورقات الورقة الاولي هتكتب فيها كل التعريفات اللي وردت بالدرس جميل كده
والورقة الثانية تكتب فيها كل الاحكام الشرعية اللي وردت بالدرس مع ادلتها طبعا 0
والورقة الثالثة دي مخصوص علشان تكتب فيها الحكم اللي اختلف عليه العلماء مع كتابة راي كل فريق وادلتهم
والورقة الرابعة دي تكتب فيها الحاجات اللي انت ممكن تنساها زي الحاجات مثلا اللي يكون فيها نقاط كثير ومطلوب منك انك تحفظها اضرب مثل علشان الناس تفهم
يعني مثلا عندك الحكمة من مشورعية الزواج فيها تقريبا علي ما اذكر خمس او ست نقاط فانت ممكن تنسي
نقطة ولا حاجة فالورقة دي علشان تذكرك بيها 0
بعدها تقرأ الدرس كويس قوي قوي ولو فيه حاجة انت مخرجتهاش من الدرس تكتبها في الورقة الخامسة
وبعد اما تخلص الماده خالص عاوزك تجيب الورق ده كله وتجمعه مع بعضه كده علشان تراجع منه لانه هيبقي صعب قوي انك كل اما تيجي تراجع تقرا الدرس كله من الاول 0000
واليكم البشري : ان شاء الله سأقوم بعمل الورقات الخمس اليكم للمادة كاملة وفور الانتهاء منها سيتم رفعها علي المنتدي ليستفيد اخواننا الزملاء علي ان تدعوا لي بارك الله فيكم
هذا ملخص لكيفية مذاكرة الفقه ولو فيه اي مشكله في الفقه انا تحت امركم وانتظرووووووووووووا الحديث في المرة القادمة وجزاكم الله خيرا