[prof.ahmed4d]

المشاركة الأصلية كتبت بواسطة dr.boody

معلش بس ....هوا حضرتك متأكد انها الهزيمه الرابعه..؟؟
اكيد اكتر من كدا بس حضرتك اللى ناسي
دى ممكن تكون الخامسه...السادسه...كدا يعنى
ولسه ان شاء الله
ايه اللى انا بقوله دا....المفروض ان انا زملكاوى
بس يلا مش مهم

الخبر منقول من يلا كورة

انت احسبها

الزمالك فاز على انبي وعلى الانتاج وعلى الاتحاد تقريبا واتعادل مع الجونة والمقاولون ( ايه رايك حافظ تاريخ الزمالك

مع انى اهلاوى ) وهو عنده 11 نقطة دول 5 مباريات و4 اتهزم فيهم

شكرا على التعليق

المشاركة الأصلية كتبت بواسطة زملكاوى للأبد

أنا قبل الماتش كنت قاعد أحسب فى المراكز كنت بقول الزمالك عنده 11 نقطه و هياخد 3 نقط النهارده من غزل المحله يبقى كده عنده 14 نقطه هيبقى الفرق بينه و بين التانى 3 نقط و قعدت فرحان بقى و أول ما الماتش بدأ أنا استغربت قولت مين اللى نزل التشكيل الغبى ده لكن قولت مش مشكله جايز هما عارفين أكتر منى و تمر الدقائق و يأتى الهدف الأول و أنا مصدوم و تمر الدقائق و ينتهى الشوط الأول و يبدأ الشوط التانى و أفاجأ بالتغيرات طيب كنت مقعد اللاعيبه جنبك من الأول ليه ليه حازم وصبرى و بوجى مينزلوش من الأول مش عارف منك لله يا اللى فى بالى

على فكرة مع انى اهلاوى الا وانى مستغرب جدا جدا من الى بيحصل بصراحة مش متصور ازاي نادى فيه اللعبية

دى وميقدرشى يفوز مرتين ورا بعض

مش عارف اساسا احدد الخطا منين يا ترى من اللعيبة ولا النادى ولا الجمهور ولا اتحاد الكورة ولا سؤء التوفيق ولا ولا

شكرا على التعليق

المشاركة الأصلية كتبت بواسطة د/ نـــ غ ـــم

ايه ده ف ناس كانت متوقعه ان احنا هنكسب
مالاعيبه الزمالك كاتبه عهد ع نفسها ان هما يعيدوا علينا كل عيد و بعد اى توقف
و الحمد لله ياعنى الاتنين جاين ف وقت واحد عيد وبعد توقف
ياعنى احمدوا ربنا ان احنا اتغلبنا واحد صفر بس
لسه ماتش الشرطه تالت يوم العيد
ربنا يسهل يمكن يغيروا ويتعادلوا

لالالا مكنوش متوقعين انا من اوائل الناس كنت متاكد باذن الله انكم تكسبوا
بس كويس عيدوا عليكم واديلكم عيدية كمان

وفعلا ايلعب يوم 29 - 11 مع الشرطة

يلا ربنا يسهله حاله ويحاول يتعادل حتى

المشاركة الأصلية كتبت بواسطة د/ نـــ غ ـــم

بس انا اتأكدت خلاص بجد ان احنا نادى منحوس
ياعنى الكل بيعيب ع شيكا انه مبيعملش الدور الدفاعى بتاعه
يوم مايرجع يدافع يعمل بلن
ولا كميه الفرص اللى ضاعت ف الشوط التانى
انا كان هيجرالى حاجه

ههههههههههههه نفس الكلام الى انا قلته لاصحابى بالظبط

الزمالك بصراحة ملعبشى غير مباراة واحدة مبارة انبى وقعدنا نقول الزمالك رجع رجع والماتش الى

بعديه كل سنة وهو طيب

شكرا على التعليق يا دكتورة

المشاركة الأصلية كتبت بواسطة eng_salwa

لا الزمالك وضعه سيءءءءء جداااا
بس يكفينا فخراااااا اننا بنشجعه يا خوانا
ده الزمالك بالتووفيق ليه في الجاي
واحساسي ان الزمالك راجع امتي لمااا امووت ان شاء الله
ربن يصبرنااااااااااااااااااااا
سيناريو الموسم اللي فات هيتكرر تاني شكله ولاسووووووء

بعد الشر عليكى ان شاء ما رجع حتى

هو كويس كدة

لالالا هو شكله اسوء بصراحة

ربنا يكون في العون

شكرا على التعليق يا مهندسة سلوى

المشاركة الأصلية كتبت بواسطة dr.boody

تفائلوا خير يا جماعه..
احنا لسه فى بداية الازمه
كلها كام قرن كد والزمالك يرجع زى زمان ان شاء الله
اصبروا بس وان شاء الله هتتعدل
اهم حاجه الدعاء
قولوا يارب بس تيجى على اد كام قرن بس وماتبقاش الفيه

هههههههههههههههه

بداية الازمة دى اتنتهى لما ينتهى الدورى

تعرف في واحد صاحبى كل ما الزمالك يتغلب يقوله يا عم والله العظيم اياخد الدورى والله العظيم اياخد الدورى

وواضح ان صاحبى هو الى اياخد على قفاه

وان شاء كلها كام قرن يا عم ايكون بقى الماتشات 11 لعيب 5 بنات و5 رجالة وحارس مرمى وايبقى اللعب زى الفل

اتلاقى اللعيبة بتلعب لعب مفيش احسن من كدة

شكرا على التعليق يا دكتور

( ملحوظة : الى عجبنى في الردود ان الى ردوا فيهم واحدة مهندسة وواحدة صيدلانية وواحد دكتور )

فعلا فعلا جمهور كبير والله

ربنا يخليلكم الزمالك

شكرا جميعا على الرد

في رعاية الله

وكل سنة وانتوا طيبين